Pixar ўзининг YouTube каналида “Бошқотирма-2” мультфильмининг янги трейлерини эълон қилди, деб ёзади “Правила жизни” нашри. Статистик рақамлар мухлислар мультфильмнинг давомини интиқлик билан кутганларига ишора қилмоқда.
Машҳур фильмнинг давомий қисмида Райли анча улғайиб, ўсмирга айланади: бош қаҳрамон ўзининг янги ҳис-туйғуларни ривожлантиради ва асосий эмоцияларини яширишга ва босишга уринади. Ундан аввалги трейлерда илк бор Хавотир пайдо бўлган эди. Янги видеороликда эса томошабинлар янги қаҳрамонлар: Хасад, Ғам ва Уялиш билан танишадилар.
“Бошқотирма” сиквелининг режиссёри Келси Манн, сценарий муаллифи Мег Лефов. Пит Доктер ва Марк Нилсен эса лойиҳа продюсерларидир.
Мультфильм қаҳрамонларига Майя Хоук, Эми Полер, Филлис Смит, Льюис Блек, Тони Хейл ва Адел Экзаркопулос каби актёрлар овоз берган. Унинг премьераси жорий йилнинг 14 июнь кунида бўлиши режалаштирилган.
“Бошқотирма” мультфильмининг биринчи қисми 2015 йилда чиққан эди. Унда 11 ёшли Райли исми қиз қувонч, қайғу, қўрқув, ғазаб ёрдамида муаммоларни хал этишни ўргангани акс этган эди.
Изоҳ (0)