Мазкур мультфильмлар бир қарашда болалар учун яратилгандек кўринса-да, уларда катталарга боғлиқ бўлган мавзулар тилга олинади.
“Ёнарқўнғизлар қабри”
- Япония, 1988 йил.
- Драма.
- Давомийлиги: 88 дақиқа.
- IMDb: 8.5.
1945 йилда Америка самолётлари Япониянинг Кобе шаҳрига бомба ташлайди. 14 ёшли Сейта ва 5 ёшли Сецуконинг уйи вайрон бўлади, онаси вафот этади ва отаси хизмат пайтида изсиз йўқолади. Бир мунча вақт болалар холаси билан яшайди, лекин кейин у ердан қочиб кетишади. Шундан сўнг болаларнинг саргардонлиги бошланади.
Исако Такаҳата сюжет учун Акиюки Носакининг худди шу номдаги автобиографик романидан фойдаланади, лекин унга уруш даҳшатлари ҳақидаги хотираларини ҳам киритади. Натижада болалар ҳақидаги фожиали воқеа ҳеч бир томошабинни бефарқ қолдирмайди.
“Мери ва Макс”
- Австралия, 2009 йил.
- Драма, комедия.
- Давомийлиги: 92 дақиқа.
- IMDb: 8.1.
8 ёшли Мери Динкл Австралиянинг Мелбурн чеккасида яшайди. Синфдошлари уни туғма холи учун уни масхара қилади, ота-онасининг эса у билан иши йўқ. Шу сабабли қиз Американинг Нью Йорк шаҳрида яшайдиган 44 ёшли Макс Хоровиц — Аспергер синдромига чалинган ёлғиз одам билан ёзиша бошлайди. Уларнинг орасида минглаб километрлар бор ва ёш фарқи жуда катта. Аммо суҳбатдошлар йиллар давомида ўрталаридаги дўстликни сақлаб қолишади.
Мультфильм қисман реал воқеаларга асосланган — австралиялик аниматор Адам Эллиот аслида бир одам билан тахминан 20 йил ёзишма орқали мулоқот қилган. Бу узоқ масофали дўстлик ҳақидаги оддий ҳикоя бўлиб туюлиши мумкин. Дарҳақиқат, мультфильм жуда кўп жиддий мавзуларни қамраб олади: руҳий муаммолар, алкоголизм ва ҳатто ўз жонига қасд қилиш. Бу ҳикоя қандай якунланишини тахмин қилиш қийин эмас. Аммо қайғули якун узоқ кутилган бахтли якундан кўра мантиқийроқдир.
“Шамол эсганда”
- Буюк Британия, 1986 йил.
- Драма, ҳарбий.
- Давомийлиги: 84 дақиқа.
- IMDb: 7.7.
Турмуш ўртоқлар Жим ва Хилда Сассексда яшайди ва уй ишлари билан шуғулланади. Радиодан уруш бошланганини билиб, эр бошпана тайёрлайди ва баъзи озиқ-овқатларни ғамлаб қўяди. Аммо ядро уруши бошланганда ҳам Жим ва Хилда ҳукумат уларни қутқаради, деб ўйлайди ва ҳаёт тарзини ўзгартирмасликка ҳаракат қилади.
“Шамол эсганда” дастлаб содда эр-хотин ҳақидаги кулгили воқеа ҳақида нотўғри таассурот қолдиради — мультфильмда жуда кўп ёқимли ҳазиллар мавжуд. Аммо аста-секин сюжет ҳукуматдан ёрдам ололмаган ташландиқ одамларнинг ҳақиқий фожиасига айланади.
“Тўққиз”
- АҚШ, Германия, 2009 йил.
- Фантазия, триллер.
- Давомийлиги: 80 дақиқа.
- IMDb: 7.0.
Латтадан ясалган одам лабораторияда ўзига келади. У атрофида нима содир бўлаётганини ва кимлигини умуман тушунмайди — у ўзига ёзилган тўққиз рақамини кўради. Маълум бўлишича, у ва унинг дўстлари муҳим топшириқни бажаришлари керак. Лекин биринчи навбатда дунёда нима содир бўлганини эслаши лозим. Мультфильмдаги апокалиптик воқеа жуда таъсирли тарзда тугайди.
“Барча итлар жаннатга тушади”
- Ирландия, Буюк Британия, АҚШ, Франция, 1989 йил.
- Комедия, фантастика, саргузашт.
- Давомийлиги: 84 дақиқа.
- IMDb: 6.7.
Собиқ бизнес шерик бошпанадан қочиб кетган Чарли лақабли итни ўлдиради. Ит жаннатга тушади, лекин Ерга қайтиш йўлини топади. Қасос олишни ўйлаб, Чарли ҳайвонлар билан гаплаша оладиган 6 ёшли қизчани учратади.
Мультфильм номининг ўзи ҳам ҳикоянинг ўлим билан боғлиқлигига ишора қилади. Сюжет кулгили бурилишлар ва саргузаштларга тўла бўлса-да, охири самимий меҳр ва фидойиликка бағишланган. Бу ҳеч кимни бефарқ қолдира олмайди.
“Н.И.М.Ҳ. сири”
- АҚШ, 1982 йил.
- Драма, саргузашт.
- Давомийлиги: 82 дақиқа.
- IMDb: 7.5.
Сичқон Брисби хоним оиласи билан зудлик билан янги жойга кўчиб ўтишга мажбур бўлади — улар яшайдиган далани тез орада трактор ҳайдайди. Аммо унинг битта боласи оғир касал бўлиб, ётоқдан туролмайди. Шундан сўнг Брисби хоним лабораториядаги тажрибалардан сўнг жуда ақлли бўлиб қолган сичқонларга ёрдам сўраб мурожаат қилади.
“Н.И.М.Ҳ. сири” Бир пайтлар Disney’да “Уйқудаги малика” ва “Робин Гуд” фильмларида ишлаган рассом Дон Блут томонидан яратилган. Аввалига бу шунчаки болалар эртагидек туюлиши мумкин. Аммо саргузаштли ҳикоянинг барча воқеалари реалистик тарзда тақдим этилганини сезмаслик мумкин эмас. Асосий сюжет ёш сичқончанинг жиддий касаллиги билан бошланади.
Изоҳ (0)