Совет мультфильмларнинг сюжети оддий, аммо жуда ибратли. Нафақат болалар, балки катталар ҳам томоша қилган бу фильмлар меҳр-оқибат, дўстлик ва бошқа ижобий жиҳатларни ўргатади.
“Сеними, шошмай тур”, “Леополднинг саргузаштлари” ва “Простоквашинолик учовлон” каби мультфильмлар шунчалик кўп томоша қилинганки, улар ҳақида ҳамма нарсани биламиз. Бироқ фақат ижодкорларнинг ўзлари ва чекланган одамлар доирасига маълум бўлган қизиқарли фактлар мавжуд.
“Простоквашинолик учовлон” бир сабабга кўра яратилган
Буюк муаллифлар дурдона асарлар яратиш учун бирор нарсадан илҳом олишлари керак. Афсонавий Простоквашино қаҳрамонлари ҳақидаги мультфильм ва китоблар пионерларнинг ўқишга бўлган эҳтиёжига асосланган эди.
Успенский ҳали жуда ёш, болалар оромгоҳларидан бирига кутубхоначи бўлиб ишга киргач, ўша давр болаларига сифатли адабиётлар етишмаётганини тушунади. Шундай қилиб, у Фёдор амаки ҳақидаги ҳикояларни ўйлаб топади. Кейинчалик улар китоб ва мультфильмлар учун асос бўлади.
“Сеними, шошмай тур” қисмлари Янги йил совғаси деб ҳисобланган
Бўри ва қуённинг саргузаштлари ҳақидаги “Сеними, шошмай тур” мультфильми 1969-2005 йиллар давомида яратилган. Уларнинг ҳар бири хитга айланади. Агар замонавий болалар хоҳлаган вақтда исталган мультфильмни томоша қилишлари мумкин бўлса, СССР болалари телевизорда янги қисмлари чиқишини кутишган.
Янги йил куни эса ўзига хос анъана бор эди — Кремль саройида бўладиган съезд. У ерда мамлакатнинг байрам арчаси “Сеними, шошмай тур” мультфильмининг янги қисмлари намойиши билан бошланарди. Болалар мультфильмни сеҳрли байрам учун махсус совға деб ҳисоблашган.
Ижодкорлар Винни Пухни ноодатий қилишга ҳаракат қилган
Винни Пух ва унинг дўстлари ҳақидаги мультфильмни суратга олишга қарор қилишганда Милннинг кўплаб ҳикоялари хорижда нашр этилганди. Хуллас, Совет иттифоқининг рассом ва аниматорлари айиқча хорижлик вариантидан ажралиб туриши учун бутун кучини сарфлашади.
“Тумандаги кирпи” мультфильмидаги типратикан
Кирпи ва айиқ боласи ўртасидаги дўстлик ҳақидаги ушбу ноодатий мультфильмни кўпчилик яхши кўради. Баъзилар ҳатто уни Совет психоделикаларининг классикаси деб атайди. Мультфильмда туман қандай тасвирланганини ҳамма эслайди, бу ҳикоянинг асосий хусусияти ҳам типратикан туман ичида бўлиши керак эди.
Шундай қилиб, у қадимги Хитой қўғирчоқ театри тамойиллари асосида яратилган. Бунинг учун қаҳрамон шиша устига қўйилган, унинг устига шаффоф плёнка тортилган. Кейин плёнкага чанг сепилган. Шундан сўнг шиш устидаги қаҳрамон чангли плёнкадан узоқлаштирилади. Сирли туман эффекти шундай яратилган.
Изоҳ (0)