Сўзсиз ҳам тушуниш мумкин бўлган кулгили ва қайғули мультфильмлар (трейлер)

Ит ва робот ўртасидаги дўстлик ҳақидаги ҳикоя, қўзичоқ ҳақидаги комедия ва тошбақа ҳақидаги драма билан қуйидаги мақолада танишишингиз мумкин.

“Интерстелла 5555: Махфий юлдуз системаси”

• Франция, Япония, 2003 йил.
• Фантастика, саргузашт.
• Давомийлиги: 1 соат 8 дақиқа.
• IMDb: 7,8.

Ёвузлар бошқа сайёрадан мусиқачиларни ўғирлаб, Ерга жўнатишади. У ерда уларнинг ташқи қиёфаси ўзгартирилади, ақл-идроклари эса тўлиқ назоратга олинади. Буларнинг барчаси гуруҳнинг машҳур бўлиши ва “Олтин альбом” мукофотини олиши учун қилинади. Агар ёвузлар шундай мукофотлардан 5 555 тасини тўпласа, у оламнинг ҳукмдори бўлади. Бироқ мусиқачи қизни севиб қолган учувчи қаҳрамонларни қутқармоқчи.

Аслида “Интерстелла 5555” — ҳатто мультфильм ҳам эмас, балки Daft Punk дуэтининг Discovery альбомини акс эттирувчи катта клип. 2001 йилда мусиқачилар Space Battleship пластинкаси учун аниматор Ямато Леидзи Матсумотога мурожаат қилишади. Натижада ғоя тўлиқ метражли анимацион иш даражасига кўтарилади. Мультфильмда матн борга ўхшайди, лекин бу саундтрекдаги сўзлар, қаҳрамонларнинг ўзлари эса гаплашмайди.

“Роботнинг орзулари”

• Франция, Испания, 2023 йил.
• Фантастика, драма.
• Давомийлиги: 1 соат 43 дақиқа.
• IMDb: 7,6.

80 йилларнинг ўрталарида Манхеттенда ёлғиз ит яшайди. У янги технологик инновация — робот дўстни синаб кўрмоқчи. Дастлаб ит технология мўжизасига ишонмайди, лекин вақт ўтиши билан у роботга жуда боғланиб қолади.

Ўзаро муносабатларнинг табиати ҳақида жуда таъсирли ва кутилмаган тарзда аниқ тасвирланган мультфильм. Вазиятга қараб, Ит ва Робот бутун ҳаётларини алоҳида ўтказишади. Оқибатда уларнинг ўтмишдаги идеал дўстлиги аста-секин ёмонлашади ва бахтли хотираларга айланади.

“Қизил тошбақа”

• Франция, Бельгия, Япония, 2016 йил.
• Драма.
• Давомийлиги: 1 соат 20 дақиқа.
• IMDb: 7,5.

“Оскар” совриндори Майкл Дадок де Витнинг мультфильми 2016 йилнинг асосий маданий воқеаларидан бирига айланди, шунингдек, Киноакадемиянинг бош мукофотига номзод бўлди. Кимсасиз оролга тушиб қолган одам ҳақидаги эртак ҳикояси жуда қизиқарли: бош қаҳрамон баҳайбат қизил тошбақага айланган қиз билан учрашади ва уни севиб қолади. Кейинчалик уларнинг фарзанди дунёга келади ва вақт ўтиши билан ота-онасини қолдириб, оролдан сузиб кетишга қарор қилади.

Картина япониялик машҳур Ghibli студияси томонидан яратилган бўлиб, бу кўп жиҳатдан мультфильмнинг беғубор визуал тасвирлари ва инсон ва табиатнинг бирлиги ҳамда вақтнинг ўткинчилиги ҳақидаги чуқур фалсафий оҳангларни очиб беради.

“Иллюзионист”

• Франция, Буюк Британия, 2010 йил.
• Фантастика, драма.
• Давомийлиги: 1 соат 20 дақиқа.
• IMDb: 7,5.

Фокусчи Татишчев 1950 йилларнинг охирида Шотландияда томоша кўрсатади. Содда қиз Элис уни ҳақиқатан ҳам сеҳргар ва мўжизалар яратувчи деб ҳисоблайди. Шунинг учун Татишчев билан бирга кетади ва унга уй ишларида ёрдамлашади. Аммо Элис қаҳрамон учун сеҳр иллюзиясини яратиш қанчалик қийинлигини билмайди.

Ушбу ҳикоя актёр Жак Тати (ҳақиқий исми Яков Татишчев) томонидан ёзилган сценарийга асосланган — у сюжетни экранлаштиришга улгурмаган, лекин уни қизига хат сифатида юборган. Мультфильмни эса Силвен Шоме суратга олган.

“Шон лақабли қўзичоқ”

• Буюк Британия, Франция, АҚШ, 2014 йил.
• Комедия, саргузашт.
• Давомийлиги: 1 соат 21 дақиқа.
• IMDb: 7,3.

Қўзичоқ Шон ишдан бир оз дам олмоқчи бўлиб, хўжайинини қандай қилиб ухлатишни ўйлаб топади. Лекин у тасодифан аравада думалаб кетади, боши билан урилиб, ҳушидан кетади. Энди фермер ўзини сартарош деб ҳисоблайди, Шон ва бошқа қўйлар, шунингдек, хўжайиннинг ити уни қутқаришга ҳаракат қилишади.

“Белвиллялик учовлон”

• Франция, Бельгия, Канада, 2003 йил.
• Комедия, саргузашт, драма.
• Давомийлиги: 1 соат 20 дақиқа.
• IMDb: 7,7.

Болалигидан бувиси набираси Чемпионни велосипед пойгаларида қатнашишга ўргатган. Аммо мусобақа пайтида у ва яна икки спортчи жиноятчилар томонидан ўғирлаб кетилади. Кейин бувиси набирасини излаб, йўлга тушади ва қизиқарли мусиқий трио билан учрашади.

Агар сиз ушбу француз мультфильмидан кадрлар ёки алоҳида парчаларни кўрсангиз, эҳтимол сиз у 70 йил олдин суратга олингандек ҳис қиласиз. Мультфильмда ҳамма нарса мусиқа ва визуал ҳикоялар асосида қурилган ва ажойиб расм эскиз китобидаги чизмаларни эслатади — ўтмишнинг ажойиб илиқ муҳитини яратади. Рассом Евгений Томов ушбу мультфильм учун 800 тагача фон чизишига тўғри келган.

“Болакай ва дунё”

• Бразилия, 2013 йил.
• Саргузашт.
• Давомийлиги: 1 соат 20 дақиқа.
• IMDb: 7,1.

Кука исмли болакай ота-онаси билан бахтли яшарди, лекин бир куни отаси иш излаб кетади. Зериккан Кука катта чамадонни йиғиб, поездга чиқади, лекин шамол уни узоқ ўлкаларга олиб кетади. Энди бола яқинлари билан қайта топишиш йўлларини излаши керак.

“Сирли орол”

• Латвия, 2019 йил.
• Фантастика, детектив, саргузашт.
• Давомийлиги: 1 соат 15 дақиқа.
• IMDb: 6,6.

Ўсмир йигитча парашютда қандайдир сирли ҳудудга тушиб қолади. У ерда бола мототцикл ва яраланган қушни топиб олади. Улар саёҳатга отланишади, қаҳрамоннинг мақсади ноаниқ. Бироқ улар дуч келган барча мавжудотлардан ҳаётни сўриб олувчи аллақандай йиртқич ҳайвон таъқиб қилаётганини билишади.

“Сирли орол” — латвиялик Гинц Зилбалодиснинг муаллифлик лойиҳаси бўлиб, у ўзи сценарий муаллифи, режиссёр, бастакор ва муҳаррир сифатида ишлаган.