Фантастика жанри нафақат ақл бовар қилмайдиган дунёлар ва ҳақиқатлар ҳақида орзу қилиш имконияти, балки баъзида бу орзулар рўёбга чиққани учун ҳам севиб томоша қилинади. Баъзида бу жанрдаги асарлар келажакни шунчалик аниқ башорат қиладики, ҳатто бундан қўрқиб кетиш ҳам мумкин.
“Матрица”, 1999
Томас Андерсоннинг ҳаёти икки қисмга бўлинган: кундузи у оддий офис ходими бўлиб, раҳбарларидан танбеҳ эшитади, кечаси эса Нeo исмли хакерга айланади ва тармоқда у киролмайдиган жой қолмайди. Томас реаллик ҳақидаги даҳшатли ҳақиқатни билиб қолгач, ҳамма нарса ўзгаради.
“Валл-I”, 2008
Мультфильмда инсоният Ерни тарк этади ва космосга учади. Кичкина Валл-I эса сайёрани ахлатдан тозалайдиган ягона роботга айланади. Бироқ робот уни келажакда қандай воқеалар кутаётганини билмайди. Мультфильм давомида Валл-I янги дўстлар билан учрашади, космосга учади ва ҳаттоки инсонларни Ерга қайтаради.
“Қор кечиб”, 2013
Сайёрада техноген фалокат содир бўлади, ҳамма ёқни қор ва муз қоплайди, ҳаёт фақат ТрансЕвросиё магистрал бўйлаб тўхтовсиз ҳаракатланаётган поездда сақланиб қолган. Поезднинг биринчи вагонларида элита, охирги вагонларида оддий одамлар бор.
“Интерстеллер”, 2014
Қурғоқчилик, чанг бўронлари ва ўсимликларнинг нобуд бўлиши инсониятни озиқ-овқат инқирозига олиб келади. Тадқиқотчилар ва олимлар гуруҳи инсониятга яшаш учун қулай сайёрани топишда қора туйнукдан ўтишлари керак.
“Тўққиз”, 2009
Даҳшатли урушда инсоният механик махлуқлар томонидан йўқ қилинади. Ўлимидан олдин ақлли машиналарни ихтиро қилган профессор тўққизта латта қўғирчоқ тикиб, уларга инсон руҳларини жойлаштиришга улгуриб қолади. Улар биргаликда бир-бирига ёрдам берган ҳолда ўз вазифаларини бажариш учун омон қолишлари керак.
“Эртадан кейин”, 2004
Ернинг бир қисмида барча тирик мавжудотлар қурғоқчиликдан нобуд бўлади, бошқа томонида — сув тошқинлари шаҳарларни вайрон қилади. Табиий офатнинг яқинлиги глобал исишни тўхтатиш йўлини топишга уринаётган иқлимшуносни ўғлини қидириб янги музлик даврига кирган Нью Йоркка боришга мажбур қилади.
“Вақт”, 2011
Вақт ягона ва энг қимматбаҳо валютага айланган, одамлар 25 ёшида қаришни тўхтатиш учун генетик дастурлаштирилган дунё. Тўғри, кейинги йилларда ҳам яшашни хоҳласанг, пул тўлашинг керак. Шундай қилиб, бойлар абадий яшашга, камбағаллар эса ҳаёт учун курашишга маҳкум.
“Марслик”, 2015
“Арес 3” Марс миссияси яқинлашиб келаётган қум бўрони туфайли зудлик билан сайёрани тарк этишга мажбур бўлади. Муҳандис ва биолог Марк Уотнининг скафандри шикастланади ва миссия ходимлари уни ўлган деб ҳисоблайди. Уни Марсда ёлғиз қолдириб, қолган ходимларни сайёрадан эвакуация қилишади.
Изоҳ (0)