Шундай фильмлар борки, бағритош одамнинг ҳам кўз ёшига сабабчи бўлади. Қуйида ҳар қандай томошабиннинг юрак тубига етиб борадиган таъсирли фильмларни томоша қилинг.
“Апокалипсис” (1979)
Кино тарихидаги энг муҳим фильмлардан бири Френсис Форд Копполанинг Вьетнам уруши давридаги драмасидир. Бош қаҳрамон капитан Уиллард дарё бўйлаб Камбожага махсус топшириқ билан боради. Унинг вазифаси — чекка ҳудудда яшайдиган полковник Курцни топиш ва ўлдириш. Йўлда капитан уруш даҳшатларига гувоҳ бўлади.
“Ҳаёт гўзал” (1997)
Роберто Бенинининг мазкур картинаси уч карра “Оскар” мукофотига совриндор бўлган ва барча замонларнинг культ фильми ҳисобланади. Фильм сюжетига кўра, меҳрибон ота ўғлига конслагерда омон қолишига ёрдам бериш учун ўйин ўйлаб топади.
“Узуклар ҳукмдори” (2001)
Ўзини инсон деб ҳисоблайдиган ҳар бир киши Боромир ўлганида йиғлайди. Ж.Р.Р.Толкин асарларига асосланган культ трилогиянинг биринчи қисмида одамлар, элфлар ва миттилар дунёси йўқолиб кетиш хавфи остида. Бунинг учун Қудрат узуги ва унинг эгаси Саурон йўқ қилиниши керак.
“Қора бургут” (2001)
Ридли Скоттнинг кенг кўламли уруш ҳақидаги драмаси, фильм воқеалари 1993 йилда Сомалида содир бўлади. Мамлакат аҳолиси очликдан ўлмоқда, қурбонлар сони 300 минг кишидан ошган. Могадишу шаҳрида дала қўмондони Айдед бошчилик қилмоқда ва тартибсизликлар яратмоқда.
У тинч аҳолини ўлдиради ва гуманитар ёрдамни талон-тарож қилади. Аммо бир куни Вашингтондаги “бургутлар” (Америка армиясининг элита бўлинмалари) Айдедни ўз қароргоҳида қўлга олиш учун операция ўтказишга қарор қилади.
“Безорилар” (2005)
Фильмда тасодифан Британия футбол безорилари орасига тушиб қолган йигит ҳақида ҳикоя қилинади. Бу ерда у янги дўстлар топади, муаммоларга дуч келади. У ўзини ҳар қандай одамни қурбон қилишга тайёр бўлган ақлдан озган мухлислар сафида кўради.
“Терабитияга саёҳат” (2006)
Бугунги зумерларнинг руҳияти болалигида ушбу фильмдан жуда кўп зарар кўрган деган шубҳалар мавжуд. Ҳикоя Жесс Арон ва Лесли Буркнинг дўстлиги ҳақида бўлиб, улар ўрмондаги дарахтга қурилган ташландиқ уйда Терабития деб номланган бутун бошли эртаклар оламини яратади.
“Interstellar” (2014)
Ҳақиқий оталик меҳри учун вақт ҳам, масофа ҳам муҳим эмас. Кристофер Ноланнинг Метью Макконаҳи иштирокидаги фантастик драмаси бунинг далилидир.
“Коко сири” (2017)
Оиланинг аҳамияти, анъаналар ва орзуларга содиқлик ҳақидаги жуда ажойиб мультфильм. Сюжет марказида мусиқани жонидан ортиқ севадиган Мексика қишлоғида яшовчи 12 ёшли Мигел исмли йигитча бўлиб, у тасодифан ўликлар дунёсига тушиб қолади ва аждодлари билан учрашади.
Изоҳ (0)