Pixar ва Disney компаниялари томонидан ишлаб чиқилган “Бошқотирма-2” анимацион фильмининг дунё бўйлаб прокатдан келган даромади 725 миллион доллардан ошди. Фильм премьерасидан атиги 9 кун ўтиб, бундай натижага эришди. Кино мутахассислари мультфильм яқин келажакда бир миллиард доллардан ортиқ даромадга чиқишини тахмин қилмоқда.
Бугунги кунда тезкорлик билан ўсиб бораётган касса тушумлари “Бошқотирма-2”нинг йилнинг энг юқори даромад келтирган фильмлари рўйхатида биринчи ўринни эгаллаши имконини беради. Илгари етакчиликни 711 миллион доллар даромад билан “Дюна: иккинчи қисм” фильми эгаллаган эди.
Бироқ “Бошқотирма-2” анимацион фильми энг кўп даромад келтирган лойиҳалар ичида яқин орқада етакчиликни қўлдан бой бериши мумкин. Жорий йил 24 июль куни “Дедпул” ва “Росомаха” блокбастерлари намойиши кутилмоқда. Фильмлар рекорд даражада даромад келтириши башорат қилинмоқда.
“Бошқотирма” сиквелининг режиссёри Келси Манн, сценарий муаллифи Мег Лефов. Пит Доктер ва Марк Нилсен эса лойиҳа продюсерларидир.
Изоҳ (0)