Болалигимизда ҳаммамизга таниш бўлган “Оловуддин”, “Шрек”, “Соҳибжамол ва махлуқ” ва бошқа мультфильмларни қайта-қайта томоша қилганмиз. Лекин сюжет, қаҳрамонлар тарихи ва бошқа майда-чуйда деталларга деярли эътибор бермаганмиз. Баъзан улар ҳақиқатан ҳам жуда қизиқарли, ҳатто сюжетдаги яширин маъноларни ҳам очиб беради.
Шрекнинг ҳожатхонасидаги ярим ой дастлаб аёллар ҳожатхонасининг рамзи бўлган бўлиши мумкин
Илгари ҳожатхоналар ҳатто саводсиз аҳоли ҳам тушуна оладиган махсус пиктограмма билан белгиланган, деган тахмин бор. Ярим ой аёллар ҳожатхонасида, қуёш эса эркакларникида ишлатилган. Бундай белгилар бир сабабга кўра қабул қилинган: қадим замонлардан бери ой аёлларнинг, қуёш эса эркакларнинг рамзий белгиси ҳисобланади.
Яна бир тахмин ҳам бор: ҳожатхона эшигидаги кесма шунчаки шамоллатиш ва айни пайтда ўзига хос тутқичдир. Бу кесманинг шакли жуда муҳим эмас эди: ромб, V ёки юрак шаклидаги тирқишлар ҳам бўлган. Аммо оммавий маданиятнинг тарқалиши билан ярим ой кундалик ҳаётда қўллана бошланди.
Оловуддиннинг бош кийимидаги пат қаҳрамон ёлғон гапираётганидан дарак беради
Ўзининг ижобий фазилатлари ва қаҳрамонлигига қарамай, Оловуддин ҳам фирибгар бўлган. Унинг камчиликларидан бири — хаёлпарастликка мойиллик ва натижада ёлғон гапиришидир. Айниқса, Оловуддин шаҳзода қиёфасида султон ва Ясмин саройига келганида кўп ёлғон гапиради.
Кийимининг ўзига хос хусусияти — ёлғон гапираётганидан дарак берувчи салласидаги катта бинафшаранг патдир. Оловуддин ҳақиқатни гапирса, у ўз ҳолидек туради. Аммо қаҳрамон ўзининг уйдирма бойликлари, хизматкорлари ва “сарой ҳаёти машаққатлари” ҳақида гапира бошласа, пат пастга эгилиб қолади, баъзан эса тўғри юзига тушади.
“Махлуқлар уюшмаси”даги Бу “Соҳибжамол ва махлуқ” мультфильмидаги қўшиқни куйлайди
Салли Буни ҳожатхона эшиги ёнида кутиб турганда қизча ғўлдираб, қўшиқ куйлайди. Ушбу қаҳрамонга овоз берган актриса Мери Гиббс муаллифлик ҳуқуқи билан боғлиқ муаммолар туфайли дубляж пайтида оригинал қўшиқдан фойдалана олмаганини тан олади.
Мультфильм ижодкорлари Мери томонидан ижро этилган тасодифий оҳанглар тўпламини ёзиб олишади ва энг яхши қисмини танлашади. Агар мультфильмнинг асл нусхасини томоша қилсангиз, Бу қўшиғининг бир қисми “Соҳибжамол ва махлуқ” фильмининг асосий саундтреки бўлмиш Tale as Old as Time’ни эслатади.
“Ўйинчоқлар тарихи” мультфильмидаги ковбой Вуди аслида ўрта ёшли эркак
“Ўйинчоқлар тарихи-2”да Вуди ўзининг ўтмиши – 1950 йилларда мультфильмларда иштирок этганини ҳақида билиб қолади. Тахминларга кўра, биринчи қисмда воқеалар 1995 йилда (мультфильм чиққан йили), учинчи ва тўртинчи қисмларда эса 20 йилдан кейин содир бўлади. Бу шуни англатадики, Вуди 40 ёшдан ошган. Мультфильмлар сериясининг охирида у 60 ёш атрофида бўлиши керак.
“Соҳибжамол ва махлуқ” мультфильмидаги Беллнинг китоби қаҳрамоннинг тақдирига ишора қилади
Мультфильм бошида Белл фаввора ёнида ўтириб, қўшиқ куйлайди. Янги китобининг саҳифалардан бирида қайсидир маънода келажакдаги сюжетни башорат қиладиган расмни кўриш мумкин. Расмда қаср фонида қора сочли қиз ва йигит тасвирланган.
“Яхши бўлиш осонми” мультфильмидаги Грюнинг қизлари унинг учта асосий минионига ўхшайди
Диққат билан қарасангиз, Грюнинг қизлари унинг учта асосий миниони — Кевин, Стюарт ва Бобга ўхшашлигини кўриш мумкин. Қизлар уларга нафақат ҳажми ва ташқи кўриниши, балки характери билан ҳам мос келади. Маргот, Эдит ва Агнес Грюнинг асранди қизлари эканлигини ҳисобга олсак, бу бош қаҳрамон онгсиз равишда унга энг севимли минионларини эслатган қизларни асраб олишга қарор қилганидан далолат беради.
Диего сувдан фақат “Музлик даври”нинг иккинчи қисмида қўрқади
“Музлик даври 2” мультфильмида сюжетдаги хатоликни бемалол пайқаш мумкин. Франшизанинг бу қисмида Диего тўсатдан сувдан қўрқиб қолади. У ҳатто Сид масхара қиладиган кўлмакка тушишдан ҳам чўчийди.
Бироқ биринчи қисмда Диего сувдан қўрқмайди. У мультфильм аввалида она-болани таъқиб қилганда дарё бўйлаб хотиржам югуради. Умуман олганда, иккинчи қисмда ҳам сувдан қўрқиш тушунчаси аслида нотўғри, чунки йўлбарслар туғилгандаёқ суза олишади.
Изоҳ (0)