Америка комедия қиролининг “Беверли Ҳиллс полицияси”, “Ғаройиб гаров”, “Доктор Дулиттл” каби фильмларда яратган бетакрор образлари ҳар қандай томошабиннинг табассумига сабабчи бўлади.
“Доктор Дулиттл”
- АҚШ, 1998 йил.
- Комедия.
- Давомийлиги: 85 дақиқа.
- IMDb: 5.4.
Доктор Жон Дулиттл бахтли ва ҳамма нарсаси бор одам. Аммо машинасида итни уриб юборган қаҳрамон бир кечада ҳайвонлар тилини тушуна бошлайди. Шаҳарнинг турли бурчакларидан ҳайвонлар шифокор маслаҳати учун Жонга келишади ва бу унинг бутун фаолиятини хавф остига қўяди.
Фильм 1967 йилдаги худди шу номдаги мюзиклга асосланган. Мюзкл эса ўз навбатида, инглиз ёзувчиси Хью Лофтингнинг классик болалар китоби асосида суратга олинган. Қизиғи шундаки, доктор Дулиттл бир вақтнинг ўзида Корней Чуковский қаҳрамони доктор Айболитнинг прототипи бўлган образ эди.
Суратга олиш майдончасида кўплаб ҳақиқий ҳайвонлар бор эди, улар бир неча ой давомида пухта ўқитилган. Эдди Mёрфининг ўзи эса жуда қийналган, чунки ҳайвонларнинг баъзилари актёрни жуда қўрқитган.
“Умрбод”
- АҚШ, 1999 йил.
- Комедия, драма.
- Давомийлиги: 104 дақиқа.
- IMDb: 6.8.
Фильмнинг бош қаҳрамонлари — қилмаган жинояти учун умрбод қамоқ жазосига ҳукм этилган маҳбуслар Рей ва Клод. Дўстлар қамоқдан қочиш умидини йўқотмайди, уларни айблаганлардан ўч олишади.
“Умрбод” — Эдди Mёрфи ва бошқа машҳур комедия актёри Мартин Лоуренс ҳамкорлигидаги иккинчи қўшма фильм. Улар биргаликда ишлаган олдинги лойиҳа 1992 йилги “Бумеранг” фильми эди.
“Ажойиб йигит”
- АҚШ, 1999 йил.
- Комедия.
- Давомийлиги: 97 дақиқа.
- IMDb: 6.5.
Сюжет марказида омадсиз режиссёр Бобби Боуфингер туради. Қаҳрамон ниҳоятда “идеал” (лекин аслида ўртамиёна) сценарийни топади ва у асосида ҳақиқий блокбастер яратмоқчи бўлади. Бунинг учун режиссёрга фақат жанговар юлдуз — актёр Кит Ремзи етишмайди холос. Аммо Кит фильмда роль ўйнамоқчи эмас.
Кит Ремзи роли дастлаб Kиaну Ривз учун ёзилган, бироқ бу лойиҳага катта қизиқиши туфайли Эдди Mёрфига берилган. Стив Мартиннинг ашаддий мухлиси бўлган Mёрфи актёр билан ишлашни жуда хоҳлаган.
“Профессор”
- АҚШ, 1996 йил.
- Комедия, мелодрама, фентези.
- Давомийлиги: 95 дақиқа.
- IMDb: 5.7.
Фильм бош қаҳрамони — ортиқча вазнга эга бўлган ажойиб олим, профессор Шерман Кламп. Кламп ҳамкасби Карлани севиб қолади ва у учун озишга қарор қилади. Бироқ Шерманнинг барча уринишлари муваффақиятсизликка учрайди. Кейин профессор лабораторияда тажриба қилаётган озиш воситасини ўзида синаб кўришга қарор қилади.
Натижада семиз Кламп озғин, келишган эркакка айланади. Аммо дорининг нохуш ён таъсири юзага чиқади: профессорда иккинчи шахс ривожланади. Бу мағрур ва ўзига ишонган мақтанчоқ йигит эди. Тез орада унинг хатти-ҳаракатлари назоратдан чиқиб кетади. Энди Шерман Кламп ўз танасида қолиш учун иккинчи шахс билан курашиши керак.
Фильм 1963 йилда шу номдаги илмий-фантастик комедиянинг ремейки сифатида суратга олинган. Бундан ташқари, 1994 йилда Жим Керри бош ролни ўйнаган “Ниқоб” фильми билан ҳам ўхшашликлари бор. У ерда ҳам қизнинг қалбини забт этмоқчи бўлган қаҳрамон ақлдан озган эркакка айланиб, ўз устидан назоратни йўқотади.
“Ғаройиб қасос”
- АҚШ, Япония, 2011 йил.
- Жангари, комедия, криминал.
- Давомийлиги: 104 дақиқа.
- IMDb: 6.2.
Осмонўпар турар жой биноси менежери Жош Ковач бино эгаси Артур Шоу ходимларининг пенсия жамғармаларини ўзлаштирганини билиб қолади. Шу сабабли бино бошқарувчисининг дўсти ўз жонига қасд қилишга уриниб кўради, бундан ғазабланган Жош Шоунинг севимли машинасини уриб юборади ва ишдан бўшатилади. Ковач ўғирланган пуллар осмонўпар бинонинг бирон бир жойига яшириб қўйилган деб ҳисоблайди ва уни жабрланганларга қайтаришни режалаштиради. Бунинг учун у бино ходими, молиячи ва ўғридан иборат гуруҳ йиғади. Қасоскор ролидаги Бен Стиллер ва ўғри йигит Эдди Mёрфи билан бир жамоа бўлиб ишлайди.
“Орзудаги қизлар”
- АҚШ, 2006 йил.
- Мусиқий, драма.
- Давомийлиги: 130 дақиқа.
- IMDb: 6.6.
Аёллар вокал триоси Детройтдаги истеъдодлар танловида чиқиш қилмоқда. Гуруҳ солист хонанда Эффи, икки қўшиқчи Дина ва Лорреллдан иборат. Танловда улар продюсер ва автомобиль сотувчиси Кертиснинг эътиборини тортади. У қизларнинг менежерига айлангач, уларни юлдуз Жимми Эрли билан ишлаш учун ёллайди.
“Орзудаги қизлар” нафақат ёрқин мусиқий саҳналар, балки актёрлик ижроси билан ҳам ҳайратда қолдиради. Фильмдаги бош ролларни Жейми Фокс, Бейонсе ва Эдди Mёрфи ижро этган. Мюзиклда Бейонсе ўз ғалаёнларидан азоб чекаётган ва карьерасини йўқотган юлдузнинг кутилмаган фожиали ролини ўйнайди.
“Америкага саёҳат”
- АҚШ, 1988 йил.
- Мелодрама, комедия.
- Давомийлиги: 117 дақиқа.
- IMDb: 7.1.
Замунда қироллигининг валиаҳд шаҳзодаси Аким 21 ёшга тўлади. Анъанага кўра, у болалигидан бўлажак хотини сифатида тарбияланган қизга уйланиши керак. Аммо шаҳзода бу одатни ёқтирмайди — у ўзининг келиб чиқиши ҳақида билмайдиган қиз билан оила қурмоқчи эмас. Шунинг учун Аким хизматкори Семи билан бирга оддий камбағал одам ниқоби остида Нью-Йоркка боради. Улар Квинсдаги кичкина квартирага кўчиб ўтади, тахт вориси ошхонада фаррош бўлиб ишга жойлашади ва тез орада квартира эгасининг қизини севиб қолади.
Эдди Mёрфи мазкур фильмда бирданига тўртта ролни ўйнайди: Аким, сартарош Кларенс, қария Сауль ва мусиқачи Ренди Уотсон. Кейинчалик Mёрфи ушбу актёрлик техникасини “Профессор” фильмида такрорлайди ва бир вақтнинг ўзида еттитагача персонажни тасвирлайди.
“Беверли Ҳиллс полицияси”
- АҚШ, 1984 йил.
- Tриллер, комедия, криминал.
- Давомийлиги: 105 дақиқа.
- IMDb: 7.4.
Детройт полицияси детективи Аксел Фоули қадрдон дўсти билан учрашади, аммо кўп ўтмай дўсти ўлдирилади. Фоули содир бўлган воқеани тергов қилиш учун Беверли Ҳиллсга боради ва маҳаллий полиция бўлимига тўқнаш келади.
“Беверли Ҳиллс полицияси” Mёрфи карьерасидаги асосий франшизадир. Давомийлиги жиҳатидан у билан фақат “Шрек” ҳақидаги мультфильмлар сериалини солиштириш мумкин. “Беверли Ҳиллс полицияси”нинг тўртинчи қисми Netflix’да 3 июль куни чиқарилади.
“Ғаройиб гаров”
- АҚШ, 1983 йил.
- Комедия.
- Давомийлиги: 116 дақиқа.
- IMDb: 7.5.
Уолл Стрит компаниясининг эгалари — ака-ука Дюк инсонни нима белгилаши ҳақида баҳслашади: табиат ёки тарбия. Ака-укалар ҳар ким компанияни бошқариши мумкинлигига ишонади. Натижада герцоглар тажриба ўтказишга қарор қилади. Улар менежер Луи Уинтропни ишдан бўшатиб, уйи ва севгилисини йўқотишигача олиб келишади. Унинг ўрнига ака-укалар фирибгар Билли Рей Валентайнни ишга олади.
“Шрек”
- АҚШ, 2001 йил.
- Мультфильм, фентези, мелодрама, комедия, саргузашт, оилавий.
- Давомийлиги: 90 дақиқа.
- IMDb: 7.9.
Яшил махлуқ Шрек ботқоғида ёлғиз ҳаёт кечиради, лекин бу хотиржамликни айёр лорд Фаркуад бузади. У юртидаги эртак қаҳрамонларини қувиб чиқаради ва Шрекнинг ёнига жўнатади. Шрек гапирадиган эшак билан бирга эртак қаҳрамонларини бошқа жойга кўчириш учун Фаркуад қалъасига боради. Лорд бунга рози бўлади, лекин Шрек ва эшак аждаҳо яшайдиган қасрда гаровга олинган маликани қутқариши лозим.
“Шрек”да Эдди Mёрфи қувноқ эшакка овоз беради. Баъзи жойларда қаҳрамоннинг хулқ-атвори Mёрфининг саҳнадаги хатти-ҳаракатларига ўхшаб ҳам кетади.
Изоҳ (0)