Янги йил кайфиятини ҳис қилиш учун баъзилар “Гарри Поттер”нинг барча қисмларини томоша қилади, кимдир эса “Тақдир ҳазили”ни юзинчи марта кўради. Шунга қарамай, баъзида “плейлист”ингизни янгилашни хоҳлайсиз.
“Рождество исмли бола”
Николас исмли бола қорли Финляндияда яшайди. Бир куни у қайсар буғу ва кичкина сичқонча ҳамроҳлигида отасини қидириш учун ғайриоддий саёҳатга чиқади. У, миш-мишларга кўра, шодлик ва хурсандчилик маскани бўлган Элфхайм элфлар қишлоғини қидириб топишга уриниб, ғойиб бўлган.
“Сокин тун”
Кира Найтли ва “Қуён Жожо”даги актёр бола Роман Гриффин Дэвис иштирокидаги ноодатий Рождество комедияси.
Нелл ва Саймон энг яқин дўстларини Рождество зиёфатига таклиф қилишади. Улар биргаликда тўпланганда ҳаммаси яхши кетаётгандек туюлади, лекин уйдан ташқарида ҳақиқий апокалипсис бошланади.
“Мен Санта Клаусман”
Қамоқдан озод этилган Этторе оиласи томонидан қабул қилинмагач, яна ўғриликка қайтади. Этторе Никола исмли жентлменнинг уйига бостириб киради. Пайқаганингиздек, айнан у Санта Клаус бўлади. Никола Этторе иккинчи имкониятга лойиқ деб қарор қилади ва унга бошпана таклиф қилади.
“Муҳаббат ифори”
Нина Добрев муваффақиятсиз учрашувлар ҳақида мақолалар ёзадиган ёш журналист Натали ролини ижро этади. Айнан ўзининг шахсий ҳаётидаги муваффақиятсизликлари туфайли у ойлик олади. Ва ниҳоят, бир куни Натали Tinderда орзусидаги йигит — Жош билан танишади. Натали Жошга кутилмаган совға қилишга ва Рождествода унинг олдига келишга қарор қилади. Лекин чиройли йигит ўрнига унинг қаршисидан пакана ва оддий йигит чиқади. Ҳафсаласи пир бўлган Натали яқинроқдаги барга боради ва у ерда суратдаги ўша йигитни кўради. Энди унинг мақсади — онлайн севиб қолган кишисининг эътиборини қозониш.
“Рождество қасри”
Фильмда таниқли ёзувчи Софи Браун мухбирлардан қочиб, бобосининг ҳикояларидаги қалъани топиш учун Шотландияга саёҳат қилади ва у ерда ўз севгисини топади. Аммо аввал у қалъани топади, қалъада эса янги келган аёл билан унчалик дўстона муносабатда бўлмаган герцог Майлз яшайди. Софи қалъани сотиб олишга қарор қилади, лекин герцог унинг ниятига бор кучи билан тўсқинлик қилади.
“Олаф тақдим этади”
Янги йилни мультфильмларсиз тасаввур қилиб бўлмайди: қувноқ қорбола Олаф “Музюрак”, “Сув париси”, “Қирол шер”, “Моана”, “Рапунзел” эртакларини ўз услубида айтиб беради. Баъзан унга ўрмон реквизитлари ва Свен буғуси ёрдам беради. Мультфильм Disney классикасига янгича қараш имконини беради.
“Арчалар 9”
Байрамга саноқли соатлар қолганда ҳамманинг юраги орзиқиб мўжизага умид боғлайди. Бутун Глухарево қишлоғи чет эл кино юлдузини кутиб олишга ҳозирлик кўрмоқда. Тюменда уй бекаси ва бўлажак блогер турмуш ўртоғи билан гаровда ютиши керак. Ҳар доимгидек қаҳрамонларнинг тақдирлари кутилмаганда бир-бирига боғланади ва ҳар бир кишига Янги йил мўжизасининг бир қисми тегади.
Изоҳ (0)