Август ойининг сўнгги ҳафтаси янги ўқув йили бошланишидан аввал фарзандлар билан кўпроқ вақт ўтказиш учун энг яхши вақтдир. Мактаб бошланишидан олдин оилавий томоша қилиш учун энг яхши мультфильмлар рўйхати тузиб чиқилди.
“Валл-I” (2008)
Мазкур анимацион фильмда инсоният Ерни тарк этади ва космосга учади. Кичкина Валл-I эса сайёрани ахлатдан тозалайдиган ягона роботга айланади. Бироқ робот уни келажакда қандай воқеалар кутаётганини билмайди. Мультфильм давомида Валл-I янги дўстлар билан учрашади, космосга учади ва ҳаттоки “Аксиома” лайнери орқали Ерни тарк этган инсонларни ортга қайтаради.
Шунингдек, Валл-I Ерга инсоният учун ушбу планета яроқлилигини текшириш учун юборилган бошқа робот — Эвани севиб қолади.
“Қалб” (2020)
“Қалб” мультфильмининг бош қаҳрамони жазз ижрочиси сифатида ўзининг ёрқин карьерасига эга бўлиш мақсади бўлган мусиқа ўқитувчиси Жо Гарднердир. Тасодифан унда ажойиб имконият — энг таниқли саксофончи билан бир саҳнада мусиқа ижро қилиш пайдо бўлади. Афсуски, айнан ўша куни ҳеч кутилмаган ҳодиса рўй беради — Жо ўша ерда вафот этади.
Қаҳрамон яшашга бўлган истаги билан ўлимга қарши курашишга, руҳини ўз танасига қайтаришга уринади. Ҳаёт учун кураш тасвирланган ўлим ҳақидаги “Қалб” мультфильмида ер юзи ва нариги дунёни тасвирлашда рамзий маънога алоҳида эътибор қаратган. Мультфильм муаллифлари бу орқали ҳаётдан маъно ўткинчи “касб”ни эгаллаш эмас, балки яшамоқликдир, демоқчи бўлган.
“Бошқотирма” (2015)
Мультфильм оиласи тўсатдан она шаҳри Миннесотадан Сан Францискога кўчиб ўтганда қийинчиликни бошдан кечираётган 11 ёшли Райли ҳақидадир. Унда Райлининг онгида рўй бераётган воқеалар ва қаҳрамонлар тилга киради. Режиссёр Пит Доктер мазкур лойиҳада инсониятнинг ҳиссиётлар дунёсига кўпроқ эътибор қаратади. Райлининг ичида қувонч, қайғу, нафрат, ғазаб ва қўрқув ҳислари ўзаро сўзлашади ва қаҳрамон ҳаётини қисман бошқаради.
“Бошқотирма-2” (2024)
Ҳаётда ҳар биримиз дуч келадиган ҳис-туйғулар ҳақидаги ҳикоянинг давомида ҳам худди ўша қаҳрамонлар экранда гавдаланади, аммо эндиликда орадан икки йил ўтган ва Райли 13 ёшда бўлади. Атиги бир кунда қизнинг шахсиятидаги асосий ҳис-туйғулари — қувонч, қайғу, ғазаб, қўрқув ва жирканишнинг кундалик тарзи ўзгариб кетади. Эрталаб Райли бошқа одам бўлиб уйғонади.
Энди унинг юзида барча ўсмирларга хос бўлган ҳуснбузарлар билан бирга норозиликнинг ўзига хос ифодаси бор. Ўсмирлик Райлига ташвиш туфайли бошқа яна бир нечта ҳис-туйғуларни тақдим этади.
“Лео” (2023)
Бош қаҳрамон ўрта мактаб биология хонасининг террариумида яшовчи кичик калтакесакдир. Лео исмли калтакесак кўп йиллар давомида озод бўлишни ва саҳрода яшашни орзу қилади. Бироқ кунларнинг бирида унинг бор-йўғи бир йил умри қолганини билиб олади. Лео шунда зудлик билан йиллар орзу қилган режасини амалга оширишга қарор қилади.
Ўқувчиларга биология хонасида яшовчи барча жонзотларни уйга олиб кетишга рухсат берилади. Айни пайтда Лео тасодифан гапириш қобилиятини болаларга ошкор қилади ҳамда улар билан мулоқот қилиб, ўқувчиларга атрофдаги дунёни яхшироқ тушунишга ёрдам беради. Шундай пайтда бош қаҳрамон умрида биринчи марта ўзини бахтли ва кимгадир керакли ҳис қилади.
Изоҳ (0)