22 йил ёзилган сценарий: жуда узоқ суратга олинган фильмлар 10 талиги

Голливуд кўпинча ҳар куни фильмлар чиқарадиган конвеерни эслатади. Бироқ лойиҳаларнинг атиги 10 фоизи катта экранларга чиқади. Қолган 90 фоизи қоғозда қолиб кетади.

10. “Терминатор 3: Машиналар юксалиши” (2003)

Қайта ишланган: 12 йил

“Терминатор 3” ни суратга олиш фикри унинг иккинчисини тасвирга олиш пайтида, яъни 1991 йилда пайдо бўлган эди. Аммо 1995 йилда иккинчи қисмини чиқарган Carolco Pictures компанияси банкрот бўлади. Кэмерон фильм сценарийсини ёзиб қўйган, лекин “Титаник” фильмини суратга олиш билан банд эди, шунинг учун унга кўп вақт ажратолмайди. Кейин Carolco асосчилари янги C2 Pictures студиясини яратади ва янги актёрлар таркибини йиғади. Улар таркибига яна бир режиссёр, бир қанча сценарий муаллифлари ва ўша пайтда сиёсий карьера билан шуғулланаётган Шварценеггер киради. Натижада фильм иш бошланганидан 12 йил ўтиб экранларга чиқади ва муваффақият қозонади.

9. “Ирландиялик” (2019)

Қайта ишланган: 12 йил

Фильм устида ишлаш 2007 йилда бошланган, сценарий 7 йил давомида қайта ёзилган. Роман қаҳрамонига айланган реал шахслар ҳақида янги тафсилотлар ошкор бўлади, шунинг учун Скорсезе “Ирландиялик” фильми экранларга чиққунча яна учта фильм суратга олишга муваффақ бўлади.

8. “Юра даври парки” 4 (2015)

Қайта ишланган: 14 йил

“Юра даври парки”га айланган лойиҳа аслида уч оригинал фильмнинг давоми бўлиши керак эди. 2001 йилда учинчи қисм экранларга чиқади ва дарҳол кейингиси устида иш бошланади. Аммо бир қатор можаролар ва сценарий муаллифлари ва режиссёрларнинг кетиши сюжетни кўп марта қайта ишлашга ва фильм жамоасини доимий равишда янгилаб туришга мажбур қилади. Шундай қилиб, у бир оз бошқача номга эга ремейкка айланади ва фақат 2015 йилга келибгина экранларга чиқади.

6. “Аватар” (2009)

Қайта ишланган: 15 йил

Кэмерон 80 саҳифалик сценарийни 1994 йилда ёзган. Режиссёр уни яратиш учун ҳали етарли даражада кучли технологиялар йўқлигини тушунади, шунинг учун сценарий устида ишлашда давом этиб, уларнинг пайдо бўлишини кутади. Бир пайтлар фильм 1999 йилда чиқиши кутилган эди, лекин Кэмерон ўжарлик билан лойиҳани 2007 йилга қолдиради. Кейин эса икки йил ичида фильмни суратга олади ва кинода ҳақиқий инқилоб қилади.

5. “Дедпул” (2016)

Қайта ишланган: 16 йил

2000 йилдан бери ақлдан озган Marvel қаҳрамони ҳақидаги лойиҳа студияларни айланиб чиқди, продюсер ва режиссёрлари ўзгаради. Райан Рейнолдс уни ўйнаши кераклиги аниқ эди, аммо актёр орзусидаги ролни 16 йил кутишига тўғри келади.

4. “Телба Макс: Ғазаб йўли”

Қайта ишланган: 16 йил

Фильм ғояси режиссёр томонидан 1999 йилда шакллантирилган, 2001 йилда Fox студиясида иш бошланган. Аммо 11 сентябрь теракти туфайли фильм бюджети пучга чиқади. 2003 йилда студия 100 миллион доллар ажратган, бироқ Австралия чўлидаги ёмғир бутун декорацияни вайрон қилган. Кейин улар Африкада суратга олишга ҳаракат қилишади, аммо у ерда ҳарбий ҳолат мавжуд эди — натижада яна суратга олиш ишлари бекор қилинади. Режиссёр бир мунча вақт мультфильм суратга олиш ҳақида ўйлаб юрган, аммо яна оригинал ғоясига қайтган. 2015 йилга келиб, ниҳоят 16 йилдан сўнг орзусини рўёбга чиқаришга муваффақ бўлган.

3. “Алита: Жанг фариштаси”

Қайта ишланган: 19 йил

2000 йилда Жеймс Кэмерон ушбу фильм устида яқиндан ишлай бошлайди, лекин доимо бошқа лойиҳалар билан чалғийди. Янги режиссёр Родригес лойиҳага келганида фильмнинг 186 бетлик сценарийси ва 600 саҳифали эслатмалари мавжуд эди. Кэмерон Родригеснинг ишидан қониқиш ҳосил қилади ва ўзи продюсер сифатида қолиб, лойиҳани якунлашни унга топширади.

2. “Даллас харидорлар клуби”

Қайта ишланган: 21 йил

Сценарий 1992 йилда ёзилган, бироқ ҳеч бир студия уни қабул қилмаган. 2011 йилда Жан-Марк Валле режиссёр этиб тайинланади ва фильмни суратга олишни бошлайди. Сценарий ёзилганидан 21 йил ўтиб, фильм экранларга чиқади.

1. “Ҳимоячилар”

Қайта ишланган: 22 йил

Ушбу култ фильм суратга олинмасидан олдин деярли барча Голливуд студияларини айланиб чиқади. 1987 йилдан буён лойиҳа қайта ёзилади. Терри Гиллиам 90 йиллар охирида у устида ишлаган, аммо бу комиксни суратга олишнинг иложи йўқлигини тан олади. Даррен Аронофский ва Пол Гринграсс ҳам бюджет бўйича келиша олмагач, фильмга қўл урмайди. 2006 йилда Зак Снайдер келгач, унинг шарофати билан фильм 3 йилдан кейин экранларга чиқади.