Qo‘rquv hissi hech kimni, hatto billboard va ekranlarda porlaydigan yuzlarni ham ayab o‘tirmaydi. Ularning fobiyalari hatto eng kuchlilar ham zaif bo‘lishi mumkinligini isbotlaydi. Mashhurlar bizga qo‘rquvsiz odamlardek tuyuladi: ular qizil gilamlarda porlaydi, sahna va ekranlarni zabt etadi va ularning hayoti doimiy bayramdek ko‘rinadi. Ammo yaltiroq tashqi ko‘rinish ortida saqichdan tortib oddiy chag‘alaygacha bo‘lgan eng kutilmagan fobiyalar yashiringan. Agar baʼzi qo‘rquvlar tushunarli bo‘lsa, boshqalari faqat hayratga soladi.
Kayli Jenner — quymoqlar va Sponj Bobdan qo‘rqadi
Go‘zallik sanoati malikasi va milliarder Kayli Jenner klaster teshiklaridan dahshatli darajada qo‘rqadi. Bu tripofobiya deb ataladi yaʼni chuqurchalar yoki g‘ovakli shokoladdagi kabi teshiklar to‘plamidan paydo bo‘ladigan irratsional qo‘rquv turidir.
Bu haqida Kayli shaxsiy blogida shunday degan: “barcha tanishlarim mening tripofobiyadan aziyat chekishimni bilishadi. Men quymoqlar, asalari uyalari, nilufargul urug‘lariga xotirjam qaray olmayman. Hatto Sponj Bobga ham qaray olmayman! Kim biladi, uning ichida nima bor?” Baʼzi muxlislar Jennerga chin dildan hamdardlik bildirishadi, boshqalari esa kulib: “men Kaylining quymoqni qanday zavq bilan yeyayotganini ko‘rganman! Shumi fobiyaning ahvoli!”, deb yozadi foydalanuvchi ijtimoiy tarmoqda.
Shifokorlar tripofobiya jiddiy muammolarga olib kelishini taʼkidlaydi. “Kardashyanlar oilasi” yulduzi vahima xurujlari va xavotirdan aziyat chekadi, bu haqda realiti-shouda ham aytib o‘tgan. Kayli o‘zining tushunarsiz qo‘rquvini tan olgan yagona mashhur emas.
Adel — bolaligidan chag‘alaylardan qo‘rqadi
Adel o‘zining taʼsirchan vokali bilan millionlab muxlislarning qalbini zabt etgan. Ammo sahna ortida xonandaning g‘ayrioddiy qo‘rquvi bor — laridofobiya yaʼni chag‘alaylardan vahima tushadi. Ushbu qo‘rquvning sababi bolalikka borib taqaladi: bir marta qush xonandaga hujum qilib, uning qo‘lidan muzqaymoqni tortib olgan va qo‘rquvdan tashqari, butun umrlik fobiyani qoldirgan.
Hayotda bunday holatlar tez-tez sodir bo‘ladi. Intervyularning birida Adel: “men hali ham chag‘alaylar meni olib ketishi mumkinligidan qo‘rqaman” deb tan olgan. Jahon miqyosidagi shuhratiga qaramay, xonanda bolalik qo‘rquvidan xalos bo‘la olmadi.
Opra Uinfri — saqichni jini suymaydi
Sayyoradagi eng nufuzli ayollardan biri bo‘lgan Opra Uinfri g‘ayrioddiy fobiyadan aziyat chekadi — u saqichdan qo‘rqadi. Ushbu qo‘rquv bolalikdan boshlangan deb eslaydi yulduz: “buvim chaynalgan saqichlarni javondagi kichik qutida yig‘ardi. Bu meni dahshatga solib, jirkanchlik uyg‘otar edi”, deya izoh berdi teleboshlovchi.
Uinfrining qo‘rquvi shunchalik kuchli ediki, yulduz nafaqat o‘zining Harpo Studios ofislarida, balki uyida ham saqich chaynashni taqiqlagan. “Bir marta mehmonim tushlik paytida og‘zidan saqichni olib, uni likopchaga qo‘ydi. U ketgach, men likopchani shunchaki tashlab yubordim”, deb tan oladi Opra.
Nikol Kidman — ilonlardan ko‘ra kapalaklardan qo‘rqadi
Ko‘pchilik kapalaklarning go‘zalligidan hayratlansa-da, o‘zining biologik xilma-xilligi bilan mashhur bo‘lgan — Avstraliyada ulg‘aygan Nikol Kidman uchun bu mavjudotlar tashvishli qo‘rquvni keltirib chiqaradi. Aktrisa bir necha bor bu fobiyani yengishga urinib ko‘rgan. “Ularda (kapalaklarda) qandaydir qo‘rqinchli narsa bor. G‘alati narsa”, deb tan olgan aktrisa intervyusida.
Kidman o‘zini jasur va o‘ziga ishonadigan ayol deb hisoblasa ham, bolalikdagi bu hasharotlarga bo‘lgan qo‘rquvi umr bo‘yi u bilan qolgan. “Agar yo‘limda kapalaklarni ko‘rsam yashirinar edim”, deb hikoya qiladi yulduz.
Nikol ulg‘ayganida, qo‘rquvni yengishga urinib ko‘rgan: tabiat muzeyi ichidagi kapalaklar paviloniga kirgan, ammo u yerdan vahima bilan qochib ketgan. Tajriba yordam bermagan — fobiya kuchliroq bo‘lib chiqqan.
Pamela Anderson — oynaga qaray olmaydi
“Malibu qutqaruvchilari” serialidagi roli bilan mashhur bo‘lgan Pamela Anderson har doim go‘zallik namunasi deb hisoblangan. Biroq aktrisa va model oynadan qo‘rqadi va ularni doim chetlab o‘tadi.
Eyzotrofobiya (ko‘zgudagi aksidan qo‘rqish) hayotni jiddiy qiyinlashtirishi mumkin. “U eyzotrofobiya bilan og‘rigan, shuning uchun oynaga tasodifiy qarash ham Pamelaga kuchli noqulaylik tug‘diradi. So‘nggi yillarda u umuman oynaga yaqinlashmaslikka harakat qiladi. Suratga olishda unga vizajistlar yordam beradi. Ehtimol, uning qo‘rquvi yoshi haqidagi tashvishlardan kelib chiqqan bo‘lishi mumkin”, deb o‘rtoqlashdi aktrisaga yaqin bo‘lgan manba.
Ushbu fobiyaning aniq sababi nomaʼlum: bu tug‘ma “xususiyat” bo‘lganmi yoki psixologik travmalar oqibatimi — faqat taxmin qilish mumkin. Pamela o‘zi bu mavzu haqida gapirishni yoqtirmaydi. Faqat bir marta intervyuda yulduz o‘zini ekranda ko‘rish oynada ko‘rishdan ham qo‘rqinchli ekanligini tan olgan.
Maʼlum bo‘lishicha, hatto o‘ziga eng ishongan mashhurlarning ham miyasida o‘ziga xos “suvaraklar” bor. Eng muhimi — o‘z qo‘rquvlarini qabul qilish, yoki Nikol Kidman kabi, ularni shunchaki chetlab o‘tish kerak.
Izoh (0)