Aktrisa Anjelina Joli o‘zining salomatligi sababli yana e’tibor markazida. RadarOnline’ning xabar berishicha, uning farzandlari onasining yana vazn yo‘qotishidan jiddiy xavotirda.
Anoreksiya bilan kurashgan aktrisa “Maria” filmi premyerasida juda ozg‘in ko‘ringani uchun ko‘p tanqid qilingan edi. O‘sha paytda uning vazni 45 kilogrammdan kam bo‘lgan.
Kasallik qaytalanishining oldini olish maqsadida Jolining barcha farzandlari onasiga g‘amxo‘rlik qilishda faol ishtirok etmoqda. Ular birga do‘konga boradi, Joli yoqtirgan nonvoyxonadan turli mahsulotlar xarid qiladi va aktrisani to‘g‘ri ovqatlanishga undash uchun har kuni birgalikda oilaviy taomlar tayyorlashadi.
“Aktrisa bolalarining nazorati ostida biroz ko‘proq ovqat yeyapti”, deyiladi manbada.
Anjelina Jolining depressiya bilan kurashi 2007-yilda, onasi saraton kasalligidan vafot etganida boshlangan. Bu yo‘qotish u uchun kuchli zarba bo‘ldi, uni o‘z qo‘rquvlari bilan yuzlashtirdi. Xuddi shu kasallikka chalinish xavfi yuqori ekanligini ko‘rsatgan genetik testdan so‘ng, aktrisa ko‘pchilikni hayratga solgan qaror qabul qildi: u onasi kabi taqdirga duch kelmaslik uchun ko‘krak va tuxumdonlarini olib tashladi.
2016-yilda turmush o‘rtog‘i Bred Pitt bilan ajrim jarayoni boshlandi, surunkali stress va tushkunlik tufayli bo‘yi 169 santimetr bo‘lgan holda atigi 37 kilogramm og‘irlikda edi. Vaziyat 2013-yilda Joli “Malifisenta” filmiga bosh rolga taklif etilganida o‘zgarishni boshladi. Rejissyor Robert Stromberg shart qo‘ydi: aktrisa ishga kirishishdan oldin kamida o‘n kilogramm vazn yig‘ishi kerak edi. Bu Anjelina uchun burilish nuqtasi bo‘ldi, u o‘z tanasiga g‘amxo‘rlik qilish zarurligini anglay boshladi. Ammo uning anoreksiyaga qayta chalinishi farzandlarini xavotirga solmoqda, shu tufayli ular onasiga har kuni g‘amxo‘rlik qilishda davom etmoqda.
Izoh (0)