Gollivud yulduzlariga ikki tomchi suvdek o‘xshaydigan oddiy odamlar (foto)

Qiyofadosh insonlarning borligiga ishonmaysizmi? Hayotda bunday holatlarga ham duch kelish mumkin, hattoki dunyo bo‘ylab mashhurlikka erishgan aktyorlar orasida ham bir-biriga ikki tomchi suvdek o‘xshashlari bor.

Selena Gomes va Sofiya Solares

Sofiya Solares Meksikada yashaydi. Bir kuni u nafaqat taniqli aktrisa, balki xonanda Selena Gomesga juda o‘xshash ekanligini tushunib qoladi. Sofiyaning mashhurligi oshganidan so‘ng, hatto muxlislari paydo bo‘la boshlaydi.

Ariana Grande va Peyj Nimann

Peyj Nimann bloger bo‘lgunga qadar oddiy maktab o‘quvchisi edi. Peyjning so‘zlariga ko‘ra, uning Arianaga o‘xshashini aytishganda juda xursand bo‘ladi. Chunki Nimann Grandeni aqlbovar qilmaydigan darajada go‘zal qiz deb biladi.

Jennifer Lopes va Jenis Garay

Jenis Garay hayotini bodibildingga bag‘ishlagan va uni Jennifer Lopes bilan taqqoslashadi. U hatto o‘zini “Xyustonlik Jey” deb ataydi. Jennifer va Jenis haqiqatan ham bir-biriga o‘xshash bo‘lishiga qaramay, Lopes bunga munosabat bildirmagan, hatto qiz haqida bilishi ham dargumon.

Leonardo Di Kaprio va Konrad Anernud

Ko‘pchilik Leonardo Di Kaprioning soch turmagi, yuz ifodalari, harakatlari, kiyimi va nutq uslubidan nusxa ko‘chirishga harakat qilgan, ammo hech kim oddiy barmen bo‘lib ishlaydigan 20 yoshli shved Konrad Annerud kabi mashhur aktyorga o‘xshamaydi. Tashqi ko‘rinishi Di Kaprioga o‘xshashligi tufayli u o‘z shahrining eng mashhur odamlaridan biri.

Leonardo Di Kaprio va Roman Burtsev

Aslida Konrad Leo bilan o‘xshashligi bilan maqtana oladigan yagona odam emas. Podolsklik Roman Burtsev internetda mashhur bo‘lib ketgandan so‘ng, qutqaruv xizmatidagi ishini tashlab, korporativ tadbirlar va turli shoularda suratga tusha boshlaydi. Biroq yillar o‘tib Roman mashhurligini yo‘qotganini tan oladi, chunki bir vaqtlar u qiziqarli takliflarni rad etgan. Uning so‘zlariga ko‘ra, agar vaqtni orqaga qaytarish imkoni bo‘lsa, hammasini o‘zgartirardi.

Bred Pitt va Natan Mids

Neytan Mids kichik ingliz shaharchasida yo‘l ishchisi bo‘lib ishlaydi. U 30 yoshga to‘lganidan so‘ng, ko‘chada odamlar muntazam ravishda oldiga kelib, birga suratga tushishni so‘rashadi va “Yetti” va “Troya” filmlaridagi roli haqida gapirishadi. Shu bilan birga, Neytan nega Bred Pitt bilan adashtirishlarini hali ham tushunmaydi, chunki uning o‘zi hech qanday o‘xshashlikni ko‘rmaydi.

Emma Uotson va Megan Flokxart

Megan Flokxartning aytishicha, u deyarli har qanday aktrisaga o‘xshaydi. Biroq Emma Uotsonning muxlislari buning aksini aytishadi — u faqat “Garri Potter” yulduziga o‘xshaydi. Biroq Megan buning aksini isbotlashga harakat qilmoqda — u makiyaj yordamida bemalol boshqa aktrisaga ham o‘xshashini namoyish qiladi.

Anjelina Joli va Chelsi Marr

Dastlab Chelsi Marr yosh Anjelina Joliga o‘xshatishganidan xursand bo‘ladi, chunki har kim ham shunday omadli bo‘la olmaydi. Ammo keyinroq Chelsi bunday mashhurlik unga faqat zarar yetkazganini tan oladi. U modellik sohasida ishlaganligi sababli tanqidga uchraydi, chunki ko‘pchilik u Joli qiyofasidan nusxa ko‘chiryapti, deb hisoblaydi. Bundan tashqari, Marrning aqldan ozgan fanatlari ko‘payadi — u hatto mashhur aktrisaga o‘xshamaslik uchun sochlarini bo‘yashni va imijini tubdan o‘zgartirishni xohlaydi.

Ledi Gaga va Ametist Rouz

Ammo Ametist Rouz aksincha “Yulduz tug‘ildi” va “Guchchi uyi” filmlari, shuningdek, “Amerikacha dahshat hikoyalar” teleseriali bilan tanilgan Ledi Gagaga o‘xshashi bilan faxrlanadi. Bundan tashqari, Ametist Ledi Gagaga ko‘proq o‘xshashga harakat qiladi. Shuning uchun u doimo xonanda kabi rasmga tushadi va muxlislar bilan baham ko‘radi.

Deniyel Redkliff va Nikolay

Ba’zi Krasnoyarsk aholisi Deniyel Redkliffning o‘zi hech narsa bo‘lmagandek, bozorlarda, ko‘chalarda yurganidan hayron bo‘lishadi. Uni ko‘pincha Deniyel bilan adashtirishadi va bir necha bor u bilan ingliz tilida gaplashishga harakat qilishgan. Yigitning aytishicha, bu faqat kichik bir kamchilik, chunki boshqa barcha jihatlarda Garri Potterning katta muxlisi bo‘lgan Nikolay mamnun. Qizig‘i shundaki, bir paytlar rossiyalik “egizagi” haqidagi ma’lumot Deniel Redkliffning o‘ziga ham yetib borgan va u shokolad ishlab chiqarish sohasida ishlayotgan yigitga hech qachon aktyor bo‘lmaslikni maslahat bergan.