“Liverpul” rahbariyati himoyachi Trent Aleksandr-Arnoldning klubni muddatidan oldin tark etgani bois “Real” jamoasidan kompensatsiya talab qilmoqchi. Bu haqda Ispaniyaning COPE nashri xabar bermoqda.
Ma’lumotlarga ko‘ra, mersisaydliklar 26 yoshli futbolchining 14-iyun kuni klubni tark etganidan norozi bo‘lgan. Aslida uning “Liverpul” bilan o‘rtasidagi shartnomasi 30-iyungacha amal qiladi. Biroq “Real Madrid” Aleksandr-Arnoldni 18-iyun kuni boshlanadigan Klublar o‘rtasidagi Jahon chempionatida ishtirok etishini rejalashtirgan va shu bois u bilan ertaroq bitim tuzishni istamoqda.
Madridliklarning turnirdagi ilk o‘yini Saudiya Arabistonining “Al-Hilol” klubiga qarshi bo‘lib o‘tadi. Shuningdek, Meksikaning “Pachuka” hamda Avstriyaning “Zalsburg” jamoalariga qarshi maydonga tushadi.
Eslatib o‘tamiz, Trent Aleksandr-Arnold 5-may kuni “Liverpul”ni tark etishini e’lon qilgandi. U klub safida jami 352 ta o‘yinda maydonga tushib, 23 ta gol va 92 ta golli uzatma muallifiga aylangan.
Izoh (0)