AQSH hukumati hali ham Kaliforniyadagi yong‘inlarini hali ham o‘z nazorati ostiga ololmadi. Yong‘in ko‘plab mashhur shaxslar yashaydigan nufuzli Pasifik Peliseyds va Malibu hududlarida davom etmoqda.
Qurbonlar orasida Peris Hilton ham bor edi. 43 yoshli realiti-shou yulduzi o‘zining Malibudagi uyining yonishini televizordagi yangiliklarda jonli efirda ko‘rishga majbur bo‘lgan:
“Oilam davrasida yangiliklarni tomosha qilish va jonli efirda Malibudagi uyimiz yonib ketganini ko‘rish biz uchun katta zarba bo‘ldi”, dedi u.
Aktrisa yong‘inlardan jabr ko‘rgan har bir oila, uyidan ayrilgan insonlarga hamdardlik bildirdi.
Kaliforniyadagi yong‘in shamol tufayli tez tarqalmoqda va keng maydonni qamrab olmoqda. Ofat ko‘plab uylarni vayron qilgan va o‘n minglab odamlar evakuatsiya qilinishiga majbur qilgan. Yong‘inga qarshi kurash hali ham davom etmoqda.
Allaqachon uylarini yo‘qotgan mashhurlar orasida Anna Faris, Adam Brodi, Leyton Mister, Spenser Pratt va Xeydi Montag, Jeyms Vuds, Yevgeniy Levi, Mayls va Kelli Teller, Jon Gudman va boshqalar bor. Jumladan, Entoni Xopkinsning 6 million dollarlik uyi ham yonib ketdi.
Jeymi Li Kertis, Mark Xemill va Mendi Mur o‘z uylarini evakuatsiya qilishga majbur bo‘ldi. Jeymi Li Kertisning aytishicha, u va uning oilasi xavfsiz, ammo uning mahallasi va uyi yonib ketgan. 66 yoshli “Oskar” sovrindori ko‘plab do‘stlari mol-mulki yo‘qotganini ta’kidladi.
Tinch okeani Peliseyds hududidagi mashhurlarning uylari ham yong‘in ostida qolgan. U yerda Adam Sandler, Ben Afflek, Tom Xenks va Stiven Spilberglar xonadoni bor edi.
Foto: The Voice
Shuningdek, aktyor Mel Gibsonning 14,5 million dollarlik uyi ham yonib ketdi. Bu vaqtda aktyor Jo Roganning Texasdagi podkastda bo‘lgan. Mel Gibsonning NewsNation nashriga ma’lum qilishicha, podkastni yozib olayotganda u o‘z mahallasi yonayotganini bilgan, ammo kutishdan boshqa chorasi bo‘lmagan.
Mel yillar davomida ushbu xonadonni sotishga harakat qilgan va hatto narxini 3 million dollarga tushirgan. Hozirda aktyor yo‘qotilgan buyumlardan ko‘ra undagi xotiralar haqida ko‘proq qayg‘uradi.
Hozirda Los Anjelesdagi yong‘in qurbonlari soni 10 kishiga yetdi. Tabiiy ofat 7-yanvar kuni Tinch okeanidagi Peliseyds tepaliklardagi o‘rmonlarda boshlangan. Yong‘in tez tarqalib, okean tomon esgan shamollar tufayli kuchaygan.
Izoh (0)