Қўрқув ҳисси ҳеч кимни, ҳатто биллбоард ва экранларда порлайдиган юзларни ҳам аяб ўтирмайди. Уларнинг фобиялари ҳатто энг кучлилар ҳам заиф бўлиши мумкинлигини исботлайди. Машҳурлар бизга қўрқувсиз одамлардек туюлади: улар қизил гиламларда порлайди, саҳна ва экранларни забт этади ва уларнинг ҳаёти доимий байрамдек кўринади. Аммо ялтироқ ташқи кўриниш ортида сақичдан тортиб оддий чағалайгача бўлган энг кутилмаган фобиялар яширинган. Агар баъзи қўрқувлар тушунарли бўлса, бошқалари фақат ҳайратга солади.
Кайли Женнер — қуймоқлар ва Спонж Бобдан қўрқади
Гўзаллик саноати маликаси ва миллиардер Кайли Женнер кластер тешикларидан даҳшатли даражада қўрқади. Бу трипофобия деб аталади яъни чуқурчалар ёки ғовакли шоколаддаги каби тешиклар тўпламидан пайдо бўладиган иррационал қўрқув туридир.
Бу ҳақида Кайли шахсий блогида шундай деган: “барча танишларим менинг трипофобиядан азият чекишимни билишади. Мен қуймоқлар, асалари уялари, нилуфаргул уруғларига хотиржам қарай олмайман. Ҳатто Спонж Бобга ҳам қарай олмайман! Ким билади, унинг ичида нима бор?” Баъзи мухлислар Женнерга чин дилдан ҳамдардлик билдиришади, бошқалари эса кулиб: “мен Кайлининг қуймоқни қандай завқ билан еяётганини кўрганман! Шуми фобиянинг аҳволи!”, деб ёзади фойдаланувчи ижтимоий тармоқда.
Шифокорлар трипофобия жиддий муаммоларга олиб келишини таъкидлайди. “Кардашьянлар оиласи” юлдузи ваҳима хуружлари ва хавотирдан азият чекади, бу ҳақда реалити-шоуда ҳам айтиб ўтган. Кайли ўзининг тушунарсиз қўрқувини тан олган ягона машҳур эмас.
Адел — болалигидан чағалайлардан қўрқади
Адел ўзининг таъсирчан вокали билан миллионлаб мухлисларнинг қалбини забт этган. Аммо саҳна ортида хонанданинг ғайриоддий қўрқуви бор — ларидофобия яъни чағалайлардан ваҳима тушади. Ушбу қўрқувнинг сабаби болаликка бориб тақалади: бир марта қуш хонандага ҳужум қилиб, унинг қўлидан музқаймоқни тортиб олган ва қўрқувдан ташқари, бутун умрлик фобияни қолдирган.
Ҳаётда бундай ҳолатлар тез-тез содир бўлади. Интервьюларнинг бирида Адел: “мен ҳали ҳам чағалайлар мени олиб кетиши мумкинлигидан қўрқаман” деб тан олган. Жаҳон миқёсидаги шуҳратига қарамай, хонанда болалик қўрқувидан халос бўла олмади.
Опра Уинфри — сақични жини суймайди
Сайёрадаги энг нуфузли аёллардан бири бўлган Опра Уинфри ғайриоддий фобиядан азият чекади — у сақичдан қўрқади. Ушбу қўрқув болаликдан бошланган деб эслайди юлдуз: “бувим чайналган сақичларни жавондаги кичик қутида йиғарди. Бу мени даҳшатга солиб, жирканчлик уйғотар эди”, дея изоҳ берди телебошловчи.
Уинфрининг қўрқуви шунчалик кучли эдики, юлдуз нафақат ўзининг Harpo Studios офисларида, балки уйида ҳам сақич чайнашни тақиқлаган. “Бир марта меҳмоним тушлик пайтида оғзидан сақични олиб, уни ликопчага қўйди. У кетгач, мен ликопчани шунчаки ташлаб юбордим”, деб тан олади Опра.
Никол Кидман — илонлардан кўра капалаклардан қўрқади
Кўпчилик капалакларнинг гўзаллигидан ҳайратланса-да, ўзининг биологик хилма-хиллиги билан машҳур бўлган — Австралияда улғайган Никол Кидман учун бу мавжудотлар ташвишли қўрқувни келтириб чиқаради. Актриса бир неча бор бу фобияни енгишга уриниб кўрган. “Уларда (капалакларда) қандайдир қўрқинчли нарса бор. Ғалати нарса”, деб тан олган актриса интервьюсида.
Кидман ўзини жасур ва ўзига ишонадиган аёл деб ҳисобласа ҳам, болаликдаги бу ҳашаротларга бўлган қўрқуви умр бўйи у билан қолган. “Агар йўлимда капалакларни кўрсам яширинар эдим”, деб ҳикоя қилади юлдуз.
Никол улғайганида, қўрқувни енгишга уриниб кўрган: табиат музейи ичидаги капалаклар павилонига кирган, аммо у ердан ваҳима билан қочиб кетган. Тажриба ёрдам бермаган — фобия кучлироқ бўлиб чиққан.
Памела Андерсон — ойнага қарай олмайди
“Malibu қутқарувчилари” сериалидаги роли билан машҳур бўлган Памела Андерсон ҳар доим гўзаллик намунаси деб ҳисобланган. Бироқ актриса ва модел ойнадан қўрқади ва уларни доим четлаб ўтади.
Эйзотрофобия (кўзгудаги аксидан қўрқиш) ҳаётни жиддий қийинлаштириши мумкин. “У эйзотрофобия билан оғриган, шунинг учун ойнага тасодифий қараш ҳам Памелага кучли ноқулайлик туғдиради. Сўнгги йилларда у умуман ойнага яқинлашмасликка ҳаракат қилади. Суратга олишда унга визажистлар ёрдам беради. Эҳтимол, унинг қўрқуви ёши ҳақидаги ташвишлардан келиб чиққан бўлиши мумкин”, деб ўртоқлашди актрисага яқин бўлган манба.
Ушбу фобиянинг аниқ сабаби номаълум: бу туғма “хусусият” бўлганми ёки психологик травмалар оқибатими — фақат тахмин қилиш мумкин. Памела ўзи бу мавзу ҳақида гапиришни ёқтирмайди. Фақат бир марта интервьюда юлдуз ўзини экранда кўриш ойнада кўришдан ҳам қўрқинчли эканлигини тан олган.
Маълум бўлишича, ҳатто ўзига энг ишонган машҳурларнинг ҳам миясида ўзига хос “сувараклар” бор. Энг муҳими — ўз қўрқувларини қабул қилиш, ёки Никол Кидман каби, уларни шунчаки четлаб ўтиш керак.
Изоҳ (0)