Xitoyning eng boy aktyorlari top-7 taligi: Bryus Lining ustozi Ip Man esa 4-o‘rinda

Xitoylik aktyorlar gonorar miqdori bo‘yicha amerikalik aktyorlar bilan raqobatlashishi mumkin. Ammo boyib ketgan xitoylik san’atkorlar barcha pullarini xayriya ishlariga sarflashni ma’qul ko‘rar ekan.

7. Lyu Xaojan

Lyu Xaojan 1997-yilda tug‘ilgan. U 12 yoshida Pekinga ko‘chib o‘tib, raqs akademiyasiga, keyin esa eng yuqori ball bilan Markaziy drama akademiyasiga o‘qishga kirgan.

“Pekin sevgi hikoyasi” filmi bilan tanilgan bo‘lsa-da, “Chaynataun detektivi”dagi roli unga haqiqiy shuhrat keltirdi. U filmda jinoyatlarni fosh etadigan aqlli, kamtarin yigit rolini ijro etdi. Film ham, aktyorning o‘zi ham shov-shuvga sabab bo‘ldi.

Daromadlari bo‘yicha u Xitoy tarixidagi eng ko‘p kassa yig‘gan aktyorlardan biri  — u ishtirok etgan filmlar allaqachon 2,76 milliard dollardan ortiq mablag‘ to‘plagan.

Reklamalarda ko‘p suratga tushadi. Kann kinofestivalida ham uning filmlari namoyish etilmoqda. 

6. Toni Lyun Chu Vay

Aktyorni “Muhabbat kayfiyati” va “Chungking ekspressi” filmlari orqali eslashadi, u yerda shunchalik nozik va chuqur o‘ynaganki, hatto sukunat ham asosiy sahnaga aylangan. Uning yuzi Osiyo kinosining butun bir davrini ifodalaydi.

U Marvel’ning “Shan-Chi” filmidagi roli uchun, taxminan, 7,7 million dollar olgan. Bu uning birinchi Gollivud filmi bo‘lishiga qaramay, amerikaliklar uning katta kino darajasidagi iste’dod ekanligini darhol anglagan.

Umumiy boyligi taxminan 20 million dollarga baholanadi. U har joyda ko‘zga tashlanadigan insonlardan emas. Reklamalarda kam ko‘rinadi, biznes bilan ham shug‘ullanmaydi.

5. Stiven Chou

Stiven Chou gonkonglik komediya qiroli, uning filmlari nafaqat Osiyoda, balki butun dunyoda mashhur. Uning o‘ziga xos “mo-ley-tau” uslubi — jang san’ati va maxsus effektlar bilan uyg‘unlashgan harakatlari — “Shaolin futboli” va “Kung-fucha mushtlashuv” kabi filmlarini chinakam hitga aylantirdi.

Uning boyligi 30 million dollarga baholanmoqda. Aktyor reklamalarda kamdan kam suratga tushadi, asosan, kinoga e’tibor qaratishni afzal ko‘radi. Shou-biznesga sarmoya kiritadi.

Hozirgacha uylanmagan, farzandlari ham yo‘q. Bu uning atrofida ko‘plab mish-mishlar va taxminlarni keltirib chiqaradi. Stiven Chou kinoda hazil, jang san’ati va maxsus effektlarni uyg‘unlashtirgan holda o‘ziga xos janr yaratishga erishdi.

4. Donni Yen

Bryus Lining ustozi Ip Man roli uni Osiyodan tashqarida ham afsonaga aylantirdi. Bu filmlar juda katta daromad keltirdi. Jang san’ati muxlislari esa sahnalarni sinchiklab tahlil qilishardi.

“Ip Man 4” uchun Donni taxminan 4 million dollar oldi. Umumiy baholashlarga ko‘ra, uning hozirgi boyligi 40 million dollar atrofida.

Osiyo kinematografiyasi olamida Donni nufuzli shaxs. Shu sababli har bir rol uning uchun alohida ahamiyatga ega. Aktyor reklamalarda deyarli ko‘rinmaydi. Unga shov-shuv va e’tibordan ko‘ra obro‘ va hurmat muhimroq. Donni Yen uchun intizom va ozodalik birinchi o‘rinda turadi.

3. Jet Li

Jet Li — ushuni jahon kinosiga aylantirgan inson.

Uning karyerasi “Shaolin ibodatxonasi” bilan boshlangan, keyin esa “Bir paytlar Xitoyda”, “Qahramon”, “Ajdar bo‘sasi” va o‘nlab hitlarda suratga tushgan.

Lining umumiy boyligi esa 250 million dollarga baholanmoqda. Bu Sharq aktyorlari orasida eng yuqori ko‘rsatkichlardan biridir.

2007-yilda u tabiiy ofatlardan jabrlanganlarga yordam beradigan The One Foundation xayriya jamg‘armasini tashkil etdi. Aktyor aktrisa Nina Li Chi bilan turmush qurgan, hozirda ikki qizni tarbiyalamoqda. 

2. Chou Yunfat

Uslub, joziba va kamtarlik bir shaxsda mujassamligini Chou Yunfat misolida ko‘rish mumkin. Uning “Mustahkam” filmidagi ikki to‘pponcha ushlab turgan qiyofasi Osiyo jangovar kinosining ramziga aylandi.

“Yashirinib yurgan yo‘lbars” va “Karib dengizi qaroqchilari”dan so‘ng esa uni butun dunyo tanidi. U bir kadrning o‘zida xavfli va oliyjanob bo‘la oladi.

Boyligi taxminan 200 million dollar. Ammo qizig‘i shundaki, aktyor kamtarona hayot kechiradi: metroda yuradi, oddiy futbolka kiyadi va oyiga atigi 150 dollar sarflaydi. Bitta telefonni 17 yil davomida ishlatgan.

Aktyor boyligini xayriya ishlariga sarflaydi. “Baxt moddiy narsalarda emas, balki boshqalarga yordam berishdadir”, deydi u.

1. Jeki Chan

Jeki Chan 150 dan ortiq filmda suratga tushgan — o‘zi kaskadyor, rejissyor, prodyuser va orkestr. Uning “Sarhush usta”, “Politsiya hikoyasi” va “Tig‘iz vaqt” filmlari allaqachon klassikaga aylangan.

“Tig‘iz vaqt 2” va “Tig‘iz vaqt 3” uchun u 15 million dollar hamda kassa foizlarini oldi. Umumiy boyligi 400 million dollarga baholanmoqda. Ammo pul uning uchun asosiy maqsad emas. U barcha boyligini xayriya qilishini ochiqchasiga aytgan — aktyor o‘g‘lini ham merossiz qoldirgan.

Jeki Chan kinoda ham, xayriya jamg‘armalarida ham, ijtimoiy loyihalarda ham faol. Hatto 2016-yilda kinoga qo‘shgan hissasi uchun “Oskar” mukofotini oldi.