Ipoteka Bank OTP Group Global Money Week 2025 xalqaro haftaligi doirasida O‘zbekistonning moliyaviy savodxon yangi avlodini shakllantirish maqsadi bilan o‘nlab maktablarni qamrab oldi.
Jadal o‘zgarib borayotgan raqamli dunyoda moliyaviy savodxonlik masalasi shunchaki pul to‘g‘risidagi bilimlar bilan cheklanib qolmaydi. Bu – hayotiy muhim ko‘nikmadir. Shu sababli, Ipoteka Bank OTP Group xalqaro Umumjahon pul haftaligi 2025 tashabbusini faol qo‘llab-quvvatladi va yoshlar orasida shaxsiy moliyani boshqarish bo‘yicha barqaror ko‘nikmalarni shakllantirishga qaratilgan keng ko‘lamli ta'lim dasturini amalga oshirdi.
Joriy yilning 15 aprelidan 23 aprelgacha Ipoteka Bank OTP Group respublika bo‘ylab yuzlab o‘quvchilar uchun 23 ta maktabda ochiq darslar o‘tkazdi. Bank mutaxassislari va o‘qituvchilar nafaqat byudjet, tejamkorlik va kiberxavfsizlik kabi asosiy tushunchalar, balki jamg‘arishga nisbatan mas'uliyat, moliyaviy odatlar hamda moliyaviy sohadagi karera imkoniyatlari haqida o‘quvchilarga so‘zlab berishdi. O‘quvchilar esa o‘z navbatida faollik ko‘rsatishib, o‘zlarini qiziqtirgan barcha savollarga javob olishib, qimmatli bilimlarga ega bo‘lishdi.
Shuningdek, Toshkent shahrining 138 va 198-sonli maktab o‘quvchilari uchun San'at muzeyiga unutilmas ekskursiyalar uyushtirildi. Muzeyga sayyohat davomida bolalar qadimgi tangalardan tortib raqamli valyutagacha bo‘lgan pullar tarixi bilan tanishishdi. Bu amaliy tajriba ularga moliyaviy vositalar qanday o‘zgarayotganini va bu jarayonda bankning o‘rni qanday ekanini anglashga yordam berdi.
22–23 aprel kunlari Buxoro va Namangan bank filiallari maktab o‘quvchilari bilan norasmiy uchrashuv o‘tkazishdi. Unda o‘quvchilar bankning ichki faoliyati, moliyaviy xizmatlar xavfsizligini ta'minlovchi zamonaviy texnologiyalar bilan tanishtirildi. O‘quvchilar ko‘proq raqamli mahsulotlar — mobil ilovalar va shaxsiy byudjetni boshqarish servislariga qiziqish bildirishdi. Ta'lim jarayoni yanada mazmunli o‘tishi uchun bank xodimlari tomonidan moliyaviy savodxonlik bo‘yicha qiziqarli tanlovlar o‘tkazildi. O‘quvchilar bilim va mantiqiy fikrlashda bellashib, nafaqat esdalik sovg‘alariga ega bo‘lishdi, balki bilim olish qadrli va qimmatli ekanligiga ishonch hosil qilishdi.
Tadbirning asosiy qismi Yoshlar forumida davom etdi. Unda Ipoteka Bank OTP Group faol hamkor va spiker sifatida qatnashdi. Forum doirasida ish o‘rinlari yarmarkasi, bank sohasidagi karera rivoji bo‘yicha maslahatlar va eng muhimi, moliyaviy hamda raqamli firibgarlikdan himoya qilish bo‘yicha amaliy uchrashuv tashkil etildi. Bank vakillari tomonidan firibgarlikning ko‘p uchraydigan tuzilmalari ochib berilib, o‘zini va yaqinlarini himoya qilish bo‘yicha aniq tavsiyalar berildi.
Bugungi kunda har bir o‘smir — xoh onlayn xaridlar orqali, xoh birinchi bank kartasi orqali bo‘lsin, moliyaviy ekotizim ishtirokchisiga aylanmoqda. Shuning uchun ularning ongli moliyaviy xulq-atvor ko‘nikmalariga ega bo‘lishi juda muhim. Ipoteka Bank OTP Group aynan shu maqsadlarni ko‘zlagan holda yoshlar orasida moliyaviy madaniyatni oshirishga qaratilgan global va mahalliy tashabbuslarni qo‘llab-quvvatlashda davom etmoqda. Bank barqaror iqtisodiyotning kelajagi ongli inson — o‘quvchi, talaba, yosh mutaxassisdan boshlanishiga ishonadi va bu jarayonga doimo o‘z samarasini beradigan investisiya sifatida qaraydi.
#GlobalMoneyWeek2025
#GMW2025
#ThinkBeforeYouFollow #WiseMoneyTomorrow
#LearnSaveEarn
Reklama huquqi asosida.
Izoh (0)