2024-yil ko‘plab Gollivud yulduzlari uchun muhim yil bo‘lib, ularga ota-onalik baxtini hadya etdi. Ular orasida Gal Gadot, Margo Robbi, shuningdek, Robert Pattinson ham bor.
Robert Pattinson va Suki Uoterxaus
-U-n3wCjK.jpg)
2024-yil mart oyida “Sumerki” yulduzi Robert Pattinson va britaniyalik aktrisa, model Suki Uoterxausning birinchi farzandi dunyoga keldi.
Maxfiyligi bilan tanilgan juftlik 2018-yilda umumiy do‘stlar tufayli tanishgan. Sevishganlar 5 yildan ortiq vaqtdan beri birga. Ular qizlari tug‘ilganidan ko‘p o‘tmay yashirincha to‘y qilishdi.
Kemeron Dias va Benji Medden
-w5mQUEnC.jpg)
Aktrisa Kameron Dias va uning turmush o‘rtog‘i, Good Sharlotta guruhi bek-vokalchisi Benji Maddenning 2019-yilda tug‘ilgan Reddix ismli qizi bor.
O‘sha paytda aktrisa 47 yoshda edi. Shundan so‘ng aktrisa bir necha yil davomida ikkinchi marta homilador bo‘lishga harakat qildi, ammo barcha urinishlar muvaffaqiyatsiz yakunlandi.
Natijada er-xotin surrogat ona xizmatidan foydalangan. 2024-yil mart oyi oxirida u yulduzning Kardinal ismli o‘g‘lini dunyoga keltirdi.
Gal Gadot va Yaron Versano
-NLS2dsIH.jpg)
6-mart kuni “Mo‘jizaviy ayol” filmi yulduzi Gal Gadot turmush o‘rtog‘i, tadbirkor Yaron Versano bilan to‘rtinchi marta ota-ona bo‘lganini ma’lum qildi.
Gadot merosxo‘riga Ori ismini berishga qaror qildi: “Sen hayotimizga shunchalik yorug‘lik olib keldingki, isming ibroniy tilida “quyoshim” degan ma’noni anglatadi”, deb yozdi aktrisa shaxsiy blogida.
Miranda Kerr va Evan Shpigel
-jPyYo-YM.jpg)
Model Miranda Kerr ham to‘rtinchi farzandni dunyoga keltirdi. Mittivoy fevralning oxirida dunyoga keldi. Bu Miranda va uning hozirgi turmush o‘rtog‘i, SnapChat mobil xizmati asoschisi Evan Shpigelning uchinchi farzandi.
Kris Pratt va Ketrin Shvarsenegger
-OKUZukGM.jpg)
Aktyor Kris Pratt va uning rafiqasi Ketrin Shvarsenegger (Arnold Shvarseneggerning qizi) noyabr oyi boshida ota-ona bo‘lishlari haqida e’lon qilishdi.
Ularning ijtimoiy tarmoqlarida Ford Fitsjerald Shvarsenegger Pratt ismli bolaning tug‘ilgani haqida xabar paydo bo‘ldi.
Margo Robbi va Tom Ekerli
-bqgqvqUQ.jpg)
Mashhur “Barbi” filmidagi bosh rol ijrochisi Margo Robbi 17-oktyabr kuni ilk bor ona bo‘ldi.
U “Fransuz suitasi” filmida tanishgan prodyuser Tom Ekerlidan o‘g‘il ko‘rdi.
Jastin Biber va Xeyli Biber
-P1pNokXe.jpg)
Xonanda Jastin Biber va uning rafiqasi, model Xeyli Biber avgust oyi oxirida birinchi marta ota-ona bo‘lishdi.
Er-xotin o‘g‘liga Jek Blyuz deb ism qo‘yishga qaror qilishdi. Ijtimoiy tarmoqlarda yumshoq ko‘rpaga o‘ralgan chaqaloqning kichkina oyog‘i aks etgan ta’sirchan surat tarqaldi.
Izoh (0)