Ota-ona egallagan kasbni tanlash va ularning izidan borish doim ham oson emas. Atrofdagilar ko‘pincha farzand otasidan ham o‘zib ketishini va o‘z sohasida ko‘proq tashabbus ko‘rsatishini kutadi.
Quyidagi yosh aktyor va aktrisalar buni yaxshi tushunadi va o‘z mahorati va iste’dodini namoyon qilishga harakat qiladi.
“Lakritsali pitssa” — Kuper Hoffman
“Hayot-mamot o‘yinlari”, “Eng xavfli odam”, “Usta” filmlari bilan mashhur bo‘lgan marhum aktyor Filipp Seymur Hofmanning o‘g‘li ham san’at sohasida ishlaydi. 200-yilda tug‘ilgan yosh Kuper Hoffman “Lakritsali pitssa” filmida bosh rolni ijro etgan va “Oltin globus” mukofoti uchun nominatsiyaga qo‘yilgan.
“O‘rgimchak xonim” — Dakota Jonson
Dakota Jonson aktyor Don Jonson va aktrisa Melani Griffitning qizidir. Uning otasi “Ozod Jango” va “Qinidan chiqqan pichoqlar” filmlaridagi ishtiroki bilan mashhur. Ammo ota va qiz kamdan-kam ko‘rishib turadi:
“Qizim menga biror maslahat so‘rash uchun emas, balki suratga tushish ishlari ko‘payib ketgani sababli kela olmasligini aytish uchun qo‘ng‘iroq qiladi”, deydi Jon Jonson.
Yaqinda Dakota Jonson ijrosida Marvelning “O‘rgimchak ayol” filmi namoyish etildi.
“Asteroidlar shahri” — Mayya Houk
Yosh aktrisaning onasi Uma Turman “Billni o‘ldirish” va “Jinoiy asar” filmlaridagi roli bilan mashhur, otasi Itan Xouk esa “O‘lik shoirlar jamiyati”, “Gattaka” kabi loyihalarda ishtirok etgan. Uma Turman fikriga ko‘ra, uning qizi ota-onasidan saboq olishga to‘g‘ri kelmagan, chunki Mayya bolaligidan iqtidorli qiz bo‘lgan:
“U juda ajoyib aktrisa, boshqachasiga bo‘lishi ham mumkin emas”, deydi Turman.
“Kosmik kursant” — Emma Roberts
Erik Roberts va Kelli Kanningem farzandi aynan kino sohasini tanlaganidan mamnun.
“Shu kunlarda qizimning faoliyatidan va ishidan juda xursandman. Uning naqadar ajoyib aktrisaga aylanganidan faxrlanaman”, deydi mag‘rur ota.
Erik Roberts “Favqulodda holat”, “Grey anatomiyasi" va boshqalar teleseriallarida ishtirok etgan.
“Betmen” — Zoi Kravits
Zoi Kravitsning otasi Lenni Kravits nafaqat mashhur musiqachi, balki aktyor ham bo‘lgan. U “Hayot-mamot o‘yinlari”, “Qaroqchilar to‘yi” kabi filmlarda rol o‘ynagan. Otaning fikricha, Zoi Kravits bejizga san’at sohasini tanlamagan:
“U hayotdan o‘ziga nima kerak ekanligini aniq biladigan inson. Qizim har ishini katta mas’uliyat bilan bajargani uchun g‘oyat faxrlanaman”, deydi Kravits.
“Betmen” filmining yangi talqinida Zoi Kravits Robert Pattinson bilan birgalikda ishlagan.
“Qarg‘a” — Bill Skarsgard
“Dyuna”, “Karib dengizi qaroqchilari”, “Chernobil” kabi loyihalar orqali mashhur bo‘lgan Stellan Skarsgardning o‘g‘li Bill ham taniqli loyihalarda ishtirok etishga ulgurgan. Masalan, “Jon Uik 4”, “Qarg’a” kabi filmlar muxlislar tomonidan yaxshi baholangan.
“Substansiya” — Margaret Koulli
Hozirda Margaret Koulli “Sug‘ur kuni” filmida bosh rolni ijro etgan onasi Endi Makdauell bilan birgalikda bir filmda suratga tushmoqda. Endi so‘zlariga ko‘ra, u hech qachon bolalarini biror ishga joylashtirishga harakat qilmagan. Margaret barcha narsaga o‘z mehnati bilan erishgan. Shu sababli “Substansiya”, “Bir kuni Gollivudda” filmida suratga tushishga muvaffaq bo‘lgan.
“Bo‘ri” — Lili Rouz Depp
Gollivud yulduzi Jonni Depp uning farzandi hech qachon kino karyerasini tanlashini istamagan, ammo Lili Rouz o‘z so‘zida turib oladigan qat’iyatli qiz chiqdi. U “Bo‘ri” filmida bosh rolni ijro etgan.
“Piter Pen va Vendi” — Ever Anderson
Ever Gabo Anderson — mashhur aktrisa Mila Yovovich va rejissyor Pol Andersonning qizi. Ever onasining izidan borgan va to‘qqiz yoshida Vogue Bambini jurnalining muqovasi uchun suratga tushgan.
“Seni qaytarishni istayman” — Skott Istvud
Aktyor Klint Istvud ishtirokidagi “Sirli daryo”, “Gran Torino” filmlari sevib tomosha qilinadi. Uning o‘g‘li Skott otasi qanday tarbiya berganini shunday eslaydi:
“Dadam uchun men santexnik bo‘lamanmi yoki aktyormi, buning ahamiyati yo‘q edi. U doim qaysi sohani tanlasam ham uni yaxshi bajarishim lozimligini ta’kidlar edi. Shuningdek, kamtar va doim rostgo‘y bo‘lishim kerakligini uqtirar edi”, deydi Skott Istvud.
“Seni qaytarishni istayman” filmida u sevgan qizini qaytarish uchun bel bog‘lagan tarbiyali yigit rolini o‘ynaydi.
Izoh (0)