Aktrisa Anjelina Joli shaxsan prodyuserlik qilgan va bosh rolni ijro etgan “Mariya” nomli biografik filmi uchun “Oskar”ga nomzodi qo‘yilmaganidan qattiq xafa, deb yozadi Spletnik.ru.
Insayderlar ma’lumotiga ko‘ra, hamma gap Gollivudning Bred Pitt tomonida ekanidadir. Sobiq turmush o‘rtoqlar uzoq yillar davomida Chateau Miraval vino zavodi bo‘yicha sudda kurashib kelgan edi. Nufuzli “Oskar” mukofotiga Jolining nomzodi qo‘yilishi aktrisa uchun muhim edi, deyiladi manbada. Axir Anjelina “Mariya” filmi uchun ko‘plab press-relizlar tashkil qilgan, deb yozadi Page Six nashri.
Aktrisaga hech qanday nominatsiya berilmaganiga Gollivudning Bred Pittni juda yaxshi ko‘rishi sabab bo‘lgan, deya taxmin qilinmoqda. Ma’lumotlarga ko‘ra, Pitt azaldan Amerika kinematografiyasining eng yoqimtoy va barcha uchun sevimli aktyori bo‘lgan. Uning ishtirokidagi barcha loyihalar hay’at a’zolari tomonidan doimo ijobiy baholangan.
“Mariya” filmi “Oltin globus” mukofotining “eng yaxshi drama aktrisasi” nomzodligiga qo‘yilgan edi. Bu esa Jolining obrazlari xorijda sevib tomosha qilinishini isbotlaydi. Ammo bu Gollivud emas. Hech kim Bredga qarshi chiqib, Anjelinaga ovoz berishni istamaydi, deyiladi manbada.
Ammo Anjelina Joli “O‘g‘irlangan hayot” (1999-yil) filmidagi Liza Rou roli uchun avvalroq “Oskar” mukofotiga sazovor bo‘lgan.
Ma’lumot uchun, “Mariya” filmi Chili davlatidan bo‘lgan rejissyor Pablo Larrainning biografik dramasi bo‘lib, unda 20-asrning eng buyuk opera xonandalaridan biri Mariya Kallasning hayoti haqida hikoya qilinadi. Filmdagi voqealar 1970-yillarda Parijda, Kallas karyerasining so‘nggi yillarida bo‘lib o‘tadi. Uning premyerasi 2024-yil avgust oyida Venetsiya kinofestivalida bo‘lib o‘tdi.
Izoh (0)