Iqtidorli odam har jabhada iqtidorlidir. Ushbu ibora haqiqat ekanligini isbotlaydigan iste’dodli mashhurlar talaygina. Buguni maqoladagi Gollivud yulduzlari film va konsert dasturlaridan so‘ng haqiqiy san’at asarlarini yaratishga ham vaqt topadi.
Sheron Stoun
Aktrisa koronavirus pandemiyasi davrida uyda zerikib, rasm chizish molbertida vaqt o‘tkazishni boshlagan. Stoun bu mashg‘ulotga shu qadar qiziqib qoldiki, rasm chizish uning sevimli xobbisiga aylandi. Sheronga eng yoqadigan narsa bu tabiat manzarasi va mavhum kompozitsiyalarni chizishdir. Agar unga to‘satdan ilhom kelib qolsa, aktrisa qo‘l ostidagi har qanday qalam bilan surat chizishga tayyor turadi. Masalan, bir kuni u pardoz anjomlari bilan chiroyli rasm yaratgan.
Bred Pitt
Gollivudning eng mashhur haykaltaroshi unvoni, shubhasiz, Bred Pittga tegishli. Aktyor bu hunarni qisqa vaqt ichida egalladi. Dastlab Pitt 2016-yilda Anjelina Joli bilan ajrashgandan keyin haykaltaroshlik orqali stressni yengish mashg‘ulotlarini bajardi, so‘ng u rassom Tomas Xausigodan saboq olishni boshladi. Natija esa uzoq kuttirmadi. 2022-yilda Finlyandiyada Pittning birinchi professional ko‘rgazmasi bo‘lib o‘tdi. Unda aktyor gips, yog‘och va plastmassadan yasalgan san’at asarlarini namoyish etdi.
Jonni Depp
Aktyor bolaligidan bo‘sh vaqtini rasm chizish bilan o‘tkazadi. U sobiq rafiqasi Ember Hyord bilan bo‘lib o‘tgan shov-shuvli sud jarayoniga bo‘yoq va qog’ozlar bilan kelgan.
Jonni Depp Vanessa Paradis bilan uchrashib yurgan vaqtida uning portretini chizgan va sura xonandaning “Divine Idylle” albomining muqovasiga tushirilgan. Hozirda aktyor turli mashhurlarning suratlarini chiqish bilan ham shug‘ullanadi va bundan yaxshi daromad topadi. U Elizabet Teylor, Al Pachino, Kit Richards va Bob Dilan portretlarining 780 ta nusxasini 3,6 million dollarga sotgan.
Jim Kerri
Bir vaqtlar rasm chizish mashg‘ulotlari Jim Kerriga marhum Katriona Uaytning o‘z joniga qasd qilganidan keyingi depressiyani yengishga yordam bergan. Art-terapiyani unga shifokor tavsiya qilgan, ammo tez orada aktyor rassomlik va haykaltaroshlikka jiddiy qiziqib qolgan. Kerri qalamiga mansub asarlar shunchalik ko‘pki, ularni saqlash uchun katta galereya ochish mumkin. Hozircha aktyorning ishlari Kanadadagi uy omborida saqlanadi. So‘nggi yillarda Kerri siyosiy va ijtimoiy mavzudagi satirik suratlarga ko‘proq e’tibor qaratmoqda. U Donald Trampning ko‘plab karikaturalari muallifi hamdir.
Lenni Kravits
Amerikalik xonanda va kompozitor Lenni Kravits suratkashlik ishiga qiziqadi. U ko‘chada tasodifiy odamlarni suratga olishni yaxshi ko‘radi. Kravits ba’zan ko‘rgazmalarda oq-qora fotosuratlarini namoyish etib turadi. U hatto afsonaviy Leica kompaniyasi bilan hamkorlikda yangi turdagi kamera modelini ishlab chiqarishda faol ishtirok etgan.
Izoh (0)