Ular muzlatkichda uxlaydi, yoshartiruvchi olma iste’mol qiladi yoki shunchaki bu dunyoning odami emas — mashhurlarning tashqi ko‘rinishi va yoshi haqida gap ketganda internetda shunday versiyalar ilgari suriladi.
Farrel Uilyams
Farrell Uilyamsning yoshini bilmasangiz, uni yosh avlodning istiqbolli reperi deb o‘ylashingiz mumkin. Aslida yulduz allaqachon 50 dan oshgan. Haqiqiy muxlislar Farrell haqida ko‘p narsani bilishadi, lekin ular ham kumirlarining yoshini bilganida hayratda qolishadi. U juda yosh ko‘rinadi, uning yuzida “go‘zallik inyeksiyalari” yoki jarrohlik operatsiyalari izlari yo‘q.
Intervyuda Uilyams erkaklarga nisbatan har qanday noto‘g‘ri qarashlarga qaramay, terisiga ehtiyotkorlik bilan g‘amxo‘rlik qilishini va go‘zallik tartibi uning uchun majburiy ekanligini aytadi. Yosh, sog‘lom va yorqin yuzning siri — terining tezroq yangilanishiga yordam beradigan pilingdan foydalanadi. Bundan tashqari, tozalash va namlash haqida unutmaydi.
“Odamlar har doim terini parvarish qilish va umuman sog‘lom teri ayollar uchun ekanligini aytishadi. Ammo menimcha, bu barcha odamlar uchun foydalidir”, dedi Farrell.
Shakira
Shakirani lotin estradasining afsonasi deb atashadi. Ko‘pchilik Jerar Pike bilan ajrashganidan so‘ng xonanda yanada jozibali ko‘rinishga ega bo‘lgan deb hisoblaydi. Shakira har bir ayolning ichki holati va kayfiyatini uning tashqi ko‘rinishida aks etishiga ishonadi. Ammo yoshlikning siri faqat bu emas.
Shakiraning hayoti muntazam jismoniy faoliyatni o‘z ichiga oladi va u ko‘p vaqtini raqs zalida o‘tkazadi. Yulduz, shuningdek, har doim quyoshdan himoya qiluvchi yuqori darajadagi SPF kremdan foydalanadi, muntazam ravishda vitamin qabul qiladi.
“Menimcha, go‘zallik ruhiy holat bilan bog‘liq. Yuzim uchun C vitaminidan foydalanaman. Agar C vitamini yetishmasa, organizm yetarlicha kollagen ishlab chiqarmaydi. Kollagen tufayli teri yanada yorqinroq ko‘rinadi va mayda dog‘lar yo‘qoladi,” deydi yulduz.
Jared Leto
Jared Letoning tashqi ko‘rinishi haqida hatto fitna nazariyasi ham mavjud. Musiqachiga qarab, uning 52 yoshda ekanligiga ishonish qiyin. Shuning uchun ko‘pchilik aktyorni abadiy yashaydigan vampirga aylanganiga ishonadi. Jaredning “Morbius” filmidagi rolidan so‘ng, u ko‘rshapalaklar qonini o‘ziga ukol qilib, ularga o‘xshab qolgan, degan nazariyaga endi hech kim shubha qilmaydi.
Qizig‘i shundaki, Jared nafaqat yuzidan, balki tanasidan ham juda yosh ko‘rinadi. Uning silliq terisi hech kimni befarq qoldirmaydi, xuddi yosh yigitniki kabi. Letoning o‘zi go‘zallik va yoshlik siri sog‘lom turmush tarzi natijasi ekanini ta’kidlaydi. Yulduz uyqu jadvaliga amal qiladi, chekmaydi, spirtli ichimliklarni iste’mol qilmaydi, toza havoda sport bilan shug‘ullanadi va go‘sht yemaydi.
“To‘g‘risini aytsam, men hech qachon kosmetikaga qiziqmaganman, lekin o‘zimga tabiiy tarzda g‘amxo‘rlik qilish yoqadi. Men yetarlicha uxlash uchun harakat qilyapman, ko‘p suv ichaman, albatta”, deydi aktyor.
Tomas Sengster
Tomas Sengster rafiqasi Talula Rayli bilan turmush qurganida, ko‘pchilik ularning yoshini surishtira boshladi. Aslida aktrisa eridan to‘rt yarim yosh katta. Ammo Tomas unga qaraganda chiroyli va yosh ko‘rinadi. Uni ko‘pincha “abadiy yosh” yoki “o‘smir yuzli odam” deb atashadi. Birinchisini iltifot deb hisoblash mumkin, ammo ikkinchisi aktyorni xafa qiladi.
Intervyularining birida Tomas ba’zida tashqi ko‘rinishi o‘ziga ham yoqmasligini tan oldi. Bir marta uni do‘kon sotuvchisi voyaga yetmagan deb, spirtli ichimlik sotmagan.
“Men har doim haqiqiy yoshimdan kamida uch yoki to‘rt yoshga yoshroq ko‘rinardim va nima uchun bundayligini bilmayman. Odamlar mendan doimo shu haqda so‘rashadi”.
Jim Parsons
Ma’lum bo‘lishicha, “Katta portlash nazariyasi” yulduzi ham 50 dan oshgan. Agar aktyorning hozirgi suratlarini karyerasining boshida olingan kadrlar bilan solishtirsangiz, qandaydir o‘zgarishlarni ko‘rish uchun mikroskop kerak bo‘ladi. Aktyor hech qachon yoshlik sirlarini baham ko‘rmagan. Ehtimol, u nima uchun bunday ko‘rinishga ega ekanligini ham bilmaydi. Bu faqat genetika va sog‘lom ovqatlansin natijasi deb taxmin qilish mumkin.
Aleksandra Daddario
Aleksandra Daddarioning tashqi ko‘rinishiga uning ko‘m-ko‘k ko‘zlari tozalik va yorqinlik bag‘ishlaydi. Aktrisaning g‘ayrioddiy “qo‘g‘irchoq” qiyofasiga ega bo‘lganligi sababli u yillar davomida o‘zgarmaganga o‘xshaydi. Daddario taxminan 10-15 yil oldin ham xuddi shunday ko‘rinishga ega edi, shuning uchun yulduzning haqiqiy yoshini taxmin qilish juda qiyin. Aytgancha, uning yuzida plastik jarrohlik yoki ukol izlari yo‘q. Butun sir — terini parvarish qilish va muntazam jismoniy mashqlarda.
“Men 20 yoshda emasman va terim parvarish qilish uchun ko‘proq vitaminlarga muhtoj”, deydi Aleksandra.
Izoh (0)