8-may kuni Coca-Cola kompaniyasi dunyodagi eng taniqli brend yaratilgan kunni — o‘z tug‘ilgan kunini nishonlamoqda. Bu bayram kayfiyatini bag‘ishlovchi, ezgu o‘zgarishlarga undovchi va turli avlodlarni birlashtiruvchi brenddir.
Coca-Cola kompaniyasining butun tarixi innovatsiyalar va ijodiy yondashuvlar bilan chambarchas bog‘liq. Atlantada tashkil topganidan buyon Coca-Cola bir necha bor o‘zgarishga, zamon bilan hamnafas bo‘lishga va butun dunyo bo‘ylab insonlar qalbiga yo‘l topishga qodir ekanligini isbotladi. 1894-yilda, ko‘pchilik salqin ichimliklarni faqat quyib sotish mumkin bo‘lgan paytda, Coca-Cola idishlarda yetkazib berilgan holda sotila boshladi - bu savdoda haqiqiy yutuq edi. Keyinchalik soxta mahsulotlarga qarshi kurashda yaratilgan mashhur konturli butilka paydo bo‘ldi. U brendning ramziga aylandi - uni hatto qorong‘ida paypaslab yoki yerdagi siniq bo‘laklaridan ham tanib olish mumkin.
Bugungi kunda Coca-Cola kompaniyasi 200 dan ortiq mamlakatda 300 dan ortiq brenddan iborat portfel bilan faoliyat yuritmoqda. Coca-Cola brendlari ostidagi ichimliklarni butun dunyo bo‘ylab 225 dan ortiq ishlab chiqaruvchi hamkorlar ishlab chiqarmoqda. O‘zbekistonda kompaniyaning eng yirik hamkorlaridan biri Coca-Cola Icecek Toshkent, Namangan, Urganch va Samarqanddagi zavodlarida Coca-Cola brendlari ostida ichimliklar ishlab chiqarmoqda. Joriy yilning may oyida Samarqandda respublikadagi to‘rtinchi zavod ochilganiga roppa-rosa bir yil to‘ldi. Zavod allaqachon 200 ta ish o‘rnini yaratdi va teng imkoniyatlar namunasiga aylandi - masalan, ishlab chiqarishda birinchi marta yuk ko‘taruvchi operator sifatida ayol ishlamoqda. Bu fakt orzu va intilishlar jinsga bog‘liq emasligini tasdiqlaydi.
Yangi zavodning ochilishi O‘zbekistonning ijtimoiy-iqtisodiy farovonligini oshirishga qo‘shimcha hissa qo‘shdi. O‘zbekistonda Coca-Cola tizimida jami 1700 kishi mehnat qilmoqda. Coca-Cola tizimidagi har bir ish o‘rni O‘zbekiston iqtisodiyotida xomashyo va materiallar yetkazib beruvchilardan tortib savdo nuqtalari va restoranlargacha bo‘lgan ishlab chiqarish-sotish zanjirida 70 ta qo‘shimcha ish o‘rnini yaratmoqda.
Zavod xususiylashtirilganidan so‘ng o‘tgan 4 yil ichida O‘zbekistonda Coca-Cola tizimining ishlab chiqarish quvvatlari sezilarli darajada oshdi, bu esa butun qiymat zanjiri bo‘ylab ishlab chiqarish va sotishning o‘sishiga turtki bo‘ldi. O‘sish nafaqat o‘z ishlab chiqarish hajmini oshirish hisobiga, balki xomashyo yetkazib beruvchilar, distribyutorlar, savdo nuqtalari va umumiy ovqatlanish korxonalari bilan hamkorlikni faol rivojlantirish orqali ham amalga oshirilmoqda. Bugungi kunda O‘zbekistonda Coca-Cola kompaniyasi brendlari ostida ichimliklar ishlab chiqarishni mahalliylashtirish darajasi 86 foizni tashkil etmoqda.
Nafaqat investitsiyalar, balki biznesni qayta tashkil etish natijasida tizimning qo‘shilgan qiymatdagi umumiy hissasi qariyb uch barobarga - 2020-yildagi 170 million dollardan 2023-yilda 461 million dollargacha o‘sdi. O‘zbekiston yalpi ichki mahsulotining 0,5 foizi Coca-Cola hissasiga to‘g‘ri kelmoqda. Kompaniya mamlakatdagi eng yirik xususiy soliq to‘lovchilar beshtaligiga kiradi.
139 yil davomida Coca-Cola barqaror rivojlanish va ijtimoiy mas’uliyat tamoyillariga urg‘u berib, "Dunyoni yangilash va uni yaxshi tomonga o‘zgartirish" missiyasini amalga oshirib kelmoqda. Ushbu maqsadlarga erishishning asosiy vositalaridan biri The Coca-Cola Foundation xalqaro xayriya jamg‘armasi bo‘ldi.
2022-yilda jamg‘arma ko‘magida BMTTDning "Xavfsiz ichimlik suvidan foydalanish orqali Orolbo‘yi mintaqasida sog‘liqni saqlashni yaxshilash" loyihasi ishga tushirildi. Loyiha Orolbo‘yining qishloq joylarida hayot sifatini yaxshilashga qaratilgan. The Coca-Cola Foundation tomonidan moliyalashtirish aholini toza ichimlik suvi bilan ta’minlash bo‘yicha kompleks chora-tadbirlarni amalga oshirishni ta’minladi, bu esa mahalliy aholi salomatligini mustahkamlashga va bir qator kasalliklarni kamaytirishga yordam bermoqda. Coca-Cola tizimi Ekologiya vazirligi bilan hamkorlikda World Clean Up Day 2024 ekologik aksiyasida ishtirok etib, butun respublika bo‘ylab 36,5 tonna chiqindi yig‘ib oldi. Toshkent viloyatida 100 kg plastik idishlar qayta ishlashga yuborildi.
Coca-Cola shuningdek, global va mahalliy tashabbuslar orqali butun dunyo bo‘ylab millionlab odamlarni ilhomlantirishda davom etmoqda. "Bu Coca-Cola’ni kimga ulashmoqchisiz?" kampaniyasi doirasida bu yil yanada ko‘proq mashhur ismlar va taxalluslar qo‘shildi - har bir kishi o‘ziga yaqin narsani topishi va ba’zida e’tibor ko‘rsatish yoki hatto yaxshi tomonga o‘zgarish uchun shunchaki ulashish kifoya qilishini eslatish maqsadida.
Joriy yilda Coca-Cola Black Quail va ELLE O‘zbekiston bilan hamkorlikda "Orzuingni so‘yla" kampaniyasini boshladi. Uning maqsadi o‘z hayoti va yaqinlari hayotini yaxshi tomonga o‘zgartirishga intilayotgan ayollarni qo‘llab-quvvatlashdir. Kampaniya doirasida rassomlar o‘rtasida tanlov o‘tkazilib, unda Robiya Qodirova g‘olib bo‘ldi. Uning eskizi asosida ipak ro‘mol yaratildi. Minnatdorchilik belgisi sifatida Coca-Cola O‘zbekiston o‘zining tug‘ilgan kunida kompaniyaning butun dunyo bo‘ylab o‘z faoliyatida amal qiladigan qadriyatlarga sodiqlik ramzi sifatida hamkorlariga ushbu ro‘molni sovg‘a qilmoqda.
Reklama huquqi asosida.
Izoh (0)