Xonanda va aktrisa Jennifer Lopes amerikalik aktyor Ben Afflek bilan rasman ajrashmoqda, deya xabar bermoqda “Lisa.ru”. Hujjatlarda Lopes ularning ajralishlari 2024-yil 26-aprelda sodir bo‘lgan, deb ko‘rsatilgan.
Daily Mail nashrining yozishicha, ajrimga juftlikning oshkorona munosabatlari sabab bo‘lgan. Ben va Jennifer o‘rtasidagi aloqa tafsilotlari haddan ortiq omma e’tiborida bo‘ldi, bu esa oilada turli muammolarni keltirib chiqardi.
Manbada aytilishicha, Lopes “stressga tushib qolgan turmush o‘rtog‘ini nazorat qila olmagan, Ben esa o‘zining bu holatini o‘zgartira olmagan”.
Xorijiy OAVlar ham xuddi shu fikrni tasdiqlamoqda: nikohning darz ketishiga Jenniferning shaxsiy hayoti tafsilotlarini jamoatchilik bilan faol baham ko‘rishi sabab bo‘lgan.
Yulduzli juftlik munosabatlarining tarixi 2002-yilga borib taqaladi, 2004-yilda ular nikohdan o‘tishi kerak bo‘ladi, ammo Lopes to‘yni bir necha kun qolganda to‘xtatadi. Oradan qariyb yigirma yil o‘tib — 2021-yil iyul oyida Lopes va Afflek yana birga ekanini tasdiqladi. 2022-yil 16-iyulda esa juftlik munosabatlarini rasman qonuniylashtirdi.
Izoh (0)