Gollivud yulduzlari uchun fotosessiyalar bu shunchaki ish emas, balki obrazning bir qismidir. Kimlardir reklama uchun suratga tushadi, boshqalar esa jiddiy muammolarga jamoatchilik e’tiborini qaratish yoki shaxsiy hikoyasini yetkazish uchun fotosessiya uyushtiradi. Yulduzning obro‘si qanchalik baland bo‘lsa, fotosessiya narxi ham shunchalik qimmat. Ushbu maqolada eng yorqin, eng noodatiy va, ehtimol, eng qimmatga tushgan mashhur fotosessiyalar haqida hikoya qilinadi.
Anjelina Joli: suratlarda ekologik muammolar
Aktrisa odatda farzandlarini ommaviy axborot vositalarining e’tiboridan uzoq tutishga harakat qiladi, ammo 2015-yilda Vogue jurnali uchun oilaviy fotosessiyaga rozilik bergan.
Suratlarda Joli, Bred Pitt va ularning olti farzandi dengiz bo‘yida tasvirga tushgan. Fotosessiyani Jon Lennon, Demi Mur, Meril Strip va boshqa mashhurlarni suratga olgan fotograf Enni Leybovits olib borgan.
2021-yilda esa Anjelina National Geographic kanali uchun asalari bilan suratga tushdi. Kadrda uning yuzlari va tanasi tirik asalarilar bilan qoplanadi. Suratga olish 18 daqiqa davom etgan, ammo unga uzoq tayyorgarlik ko‘rilgan. Fotossesiya katta mablag‘ va jamoaviy ishni talab qilgan. Mazkur loyiha asalarilar yo‘qolib borayotganiga e’tibor qaratish maqsadida tashkil etilgan. G‘oya fotograf-asalarichi Den Uintersga tegishlidir.
Ledi Gaga Primadonna obrazida
Ledi Gaganing har bir fotosessiyasi katta mablag‘ va kreativ yondashuvni talab qiladi. 2019-yilda Gaga V Magazine jurnali uchun 25 marta suratga tushdi. Fotograf-rassom Jan Pol Gud uni jonli haykal — interyer elementi sifatida tasvirladi:
“Biz Gagani jonli haykalga aylantirmoqchi bo‘ldik”, dedi Gud fotosessiya konsepsiyasi haqida.
2024-yilda Ledi Gaga “Die with a Smile” qo‘shig‘iga promo suratga tushganida barchani yana hayratda qoldirdi — bu safar u yosh Alla Pugachyova qiyofasiga kirdi. Olovrang parik, oq kalta libos, ko‘k ten haqiqiy Alla Borisovna obraziga o‘xshagan edi.
Devid Bekhem: birgina kadr uchun millionlar
2025-yil fevral oyida 49 yoshli Devid yangi Boss One Bodywear ichki kiyim kolleksiyasi reklamasida suratga tushdi. 2000-yillardagi yoritish uslubi, Aston Martin, qora kostyum — o‘sha davr uslubini ochib berdi. U 2024 yilda Hugo Boss brendining yuzi bo‘ldi va bu hamkorlik kompaniyaga o‘nlab million dollardan ortiq mablag‘ga tushdi.
Bekhemning o‘zi ham shaxsiy brendi imiji uchun katta mablag‘ sarflashga tayyor odam. Mart oyida u o‘zining Eyewear by David Beckham quyoshdan saqlovchi ko‘zoynaklar brendi fotosessiyasi uchun sahroga yo‘l oldi va havo shari fonida suratga tushdi.
Jared Leto: surat uchun balandlikka chiqish
Jared Leto nafaqat rok-musiqachi va aktyor, balki professional alpinist hamdir. Uning Instagram sahifasida tog‘ cho‘qqilarini zabt etgan ko‘plab suratlari mavjud. 2023-yilda esa u Empire State Building binosiga ruxsat bilan chiqqan birinchi inson bo‘ldi.Binoning balandligi 381 metr bo‘lib, 102 qavatdan iborat. Bu yerda suratga tushish Letoga ancha qimmatga tushgan.
Izoh (0)