Har bir hikoya qo‘rqinchli film uchun tayyor ssenariy bo‘lishi mumkin.
Anton Yelchin
2016-yil 18-iyun kuni 27 yoshli Yelchin o‘zining Jeep Cherokee avtomobilini qiyalikda qoldirib, pochta qutisini tekshirgani ketadi. Mashina qiyalikdan pastga sirpanib, uni ustun va darvoza o‘rtasiga qisib qo‘ydi. Anton jarohatdan kelib chiqqan asfiksiya tufayli vafot etadi. Aynan o‘sha paytda Yelchin egalik qilgan avtomobil modeli uzatmalar qutisining noto‘g‘ri konstruksiyasi sababli qaytarib olinayotgandi. Bu konstruksiya “neytral” holatni “to‘xtash” holati bilan osongina adashtirib yuborishga olib kelardi. Yelchinlar oilasi avtokonsernni sudga beradi, keyinchalik esa suddan tashqari kelishuvga erishishadi.
Aysedora Dunkan
1927-yil 14-sentyabrda dahshatli fojia tufayli raqqosa vafot etadi. Uzun va yengil sharflarni sevadigan Dunkan kabrioletda sayr qilishga tayyorlanayotgan edi. U do‘stlari bilan xayrlashayotib, bo‘yniga sharf tashlaydi — shu narsa uning hayotiga zomin bo‘ladi.
Avtomobil joyidan qo‘zg‘alishi bilan sharf orqa g‘ildirak o‘qiga o‘ralib, uni mashinadan uloqtirib yuboradi. Aysedora bo‘g‘ilib, bir necha soniya ichida jon beradi.
Sharmeyn Maksvell
1990-yillarning mashhur R&B guruhi Brownstone a’zosi 2015-yil 28-fevralda o‘g‘lining futbol o‘yinidan so‘ng Los Anjelesdagi uyiga qaytib, dam olish maqsadida o‘ziga bir qadah sharob quyadi. Keyin sodir bo‘lgan voqeaning aniq tafsilotlari noma’lum, biroq u qo‘lidagi sharob qadahi bilan yiqilgan yoki qadahni tushirib yuborib, so‘ngra tasodifan singan shisha bo‘laklari ustiga yiqilgan bo‘lishi mumkin. Har holda, bu hodisa uning bo‘ynida chuqur jarohatga olib keladi. Jarohat kuchli qon yo‘qotishga sabab bo‘ladi. Eri uni kasalxonaga olib borguncha, Maksvellning joni uziladi. O‘shanda u atigi 46 yoshda edi.
Naya Rivera
2020-yil 8-iyulda aktrisa Kaliforniyadagi Piru ko‘lida cho‘milayotganida cho‘kib ketgan. Riveraning 4 yoshli o‘g‘li Jozi keyinchalik ko‘lda ijaraga olingan qayiqda yolg‘iz holda topiladi. Cho‘milish paytida Rivera va o‘g‘li kuchli oqimga duch kelgani, u esa o‘g‘lini qayiqqa chiqarish uchun so‘nggi kuchini sarflagani taxmin qilingan. Biroq bu dahshatli voqeaning yakuni emasdi. Yaqinda Jozining otasi Rayan Dorsi o‘g‘li onasining o‘limida o‘zini aybdor his qilayotganini ma’lum qildi. Sababi onasi cho‘kayotganda bola unga arqon tashlay olmagan. Chunki arqonda katta o‘rgimchak bo‘lgan — bola hasharotdan o‘lguday qo‘rqqan.
Marta Mansfild
Marta Mansfild 1920-yillar boshida Gollivud afsonalari (masalan, 1920-yillardagi Doktor Jekill va janob Xayd” filmida Jon Berrimor) bilan birga suratga tushgan, ovosiz kinoning go‘zal va yosh yulduzi edi.
1923-yil 29-noyabrda Mansfild Texasning San Antonio shahrida “Virjiniyalik Uorrenlar” filmida suratga tushayotgandi. Tanaffus paytida u kostyumini — krinolinli uzun, nafis ko‘ylagini yechmay, dam olish uchun avtomobilga o‘tiradi. O‘sha yillarda chekish joylari hali unchalik cheklanmagani sababli, suratga olish guruhi a’zolaridan biri yoqilgan gugurtni tashlaganida, u tasodifan avtomobilga tushadi. Bir necha soniya ichida Mansfildning yengil alangalanuvchi kiyimi olovli sharga aylanadi. Hamkasbi Uilfred Litell yong‘inni o‘chirish uchun ustiga paltosini tashlab, uni qutqarishga jon-jahdi bilan harakat qiladi. Afsuski, aktrisaning butun tanasi og‘ir kuyish jarohatini oladi. Mansfild kasalxonaga yotqiziladi, ammo ertasi kuni vafot etadi. U atigi 24 yoshda edi.
Aytgancha, uning vafotidan so‘ng “Virjiniyalik Uorrenlar” filmidagi roli sezilarli darajada qisqartiriladi, ammo qahramoni filmda saqlab qolinadi.
Brendon Li
Brendonning otasi Bryus Li atigi 32 yoshida sirli vaziyatda vafot etgan (rasmiy ma’lumotlarga ko‘ra, o‘lim sababi og‘riq qoldiruvchi dorigа bo‘lgan allergik reaksiya natijasida kelib chiqqan miya shishi deb hisoblangan). Brendonning o‘zi ham yosh ketdi. Bu 1993-yilda “Qarg‘a” filmini suratga olish chog‘ida yuz beradi. Uning qahramoni otib o‘ldirilishi kerak bo‘lgan sahnani tasvirga olishayotgandi. Suratga olish guruhining ketma-ket xatolari tufayli aktyorga bo‘sh o‘q o‘rniga haqiqiy o‘q otiladi. Li yaralangan paytda kameralar ishlab turardi. U bor-yo‘g‘i 28 yoshda bu olamni tark etadi.
Boris Sagal
Kino va televideniye rejissyori Boris Sagal 1971-yildagi Charlton Xeston bosh rolni ijro etgan “Omega odam” filmi bilan mashhur edi. 1981-yilda u vafot etadi — bu lahza dahshatli filmning bir ko‘rinishiga o‘xshab ketadi.
Sagal NBCning “Uchinchi jahon urushi” mini-serialining navbatdagi suratga olish kunini endigina yakunlagandi. U vertolyotdan tushgach, qandaydir tarzda aylanayotgan dum parragiga to‘g‘ri kelib qoladi. Zarba uning boshini butunlay uzib tashlaydi. Uni zudlik bilan shifoxonaga yetkazishadi, ammo qutqarib qolishning iloji bo‘lmaydi.
U besh soatdan so‘ng, 57 yoshida vafot etadi. Uning o‘limi holati ko‘pchilikni hayratda qoldiradi. Murakkab va xavfli maydonlarda ishlashga o‘rganib qolgan tajribali rejissyor qanday qilib shunday qaltis xatoga yo‘l qo‘yishi mumkin edi?
Sheron Teyt
O‘sha paytda Roman Polanskiyning rafiqasi bo‘lgan aktrisa Sheron Teyt homiladorligining to‘qqizinchi oyida Menson sektasi a’zolari tomonidan vahshiylarcha o‘ldirilgan. Sheron bolasi tug‘ilguncha uni garovga olishlarini va tirik qoldirishlarini yolvorib so‘ragan. Biroq qotillar uni shafqatsizlarcha qatl etishgan. Uning tanasida 16 ta pichoq jarohati aniqlangan, ulardan 5 tasi o‘limga olib kelgan.
Izoh (0)