Smartfonlar va baqirish taqiq ostida: mashhurlar farzandlarini qanday tarbiyalaydi?

Agar otangiz shahzoda bo‘lsa, onangiz esa sahna malikasi bo‘lsa, bu sizga to‘liq erkinlik berilishi kerak degani emas. Superyulduzning farzandi bo‘lish, tashvishlardan va cheklovlardan xoli hayot kechirish kabi tuyuladi. Ammo haqiqat ancha achchiqroq. Ko‘plab yulduzlar o‘z oilalarida qatʼiy qoidalar o‘rnatgan: qatʼiy dress kod qoidalaridan tortib to‘liq gadjetlardan voz kechishgacha. Quyida mashhur ota-onalarning bolalari duch keladigan taqiqlar haqida bo‘lishdik.

Keyt Middlton va shahzoda Uilyam: dress kod qoidalari, mollyuskalar va baqirishga taqiq

Keyt Middlton va shahzoda Uilyamning uchta farzandi bor. Ularni tarbiyalashga bo‘lgan yondashuv namunali monarxiyaga xos bir qator taqiqlardan iborat. Merosxo‘rlarning ovqatlanishi qatʼiy tartibga solinadi. Masalan, bolalarga (va kattalarga ham) mollyuskalarni isteʼmol qilish taqiqlangan. Gap shundaki, ushbu mahsulot oziq-ovqat zaharlanishiga olib kelishi mumkin. Do‘kondan sotib olingan bolalar ovqati ham mumkin emas: bolalar uchun ovqat faqat uyda tayyorlanadi.

Ularning kiyimlari ham qattiq nazorat ostida. O‘g‘il bolalarga sakkiz yoshga to‘lgandagina shim kiyishga ruxsat beriladi. Ungacha esa (har qanday ob-havoda) shorti afzal ko‘riladi. Kichik malika odob-axloq qoidalariga ko‘ra, barcha tadbirlarda ko‘ylaklarda paydo bo‘lishi kerak.

Uyda ham xulq-atvor qoidalari mavjud. Ular protokol bilan emas, balki ota-onalar tomonidan belgilangan. Bolalarga ijtimoiy tarmoqlarda sahifa ochishga ruxsat berilmaydi — hatto maxfiy nomlar ostida ham. Umuman olganda, oilada gadjetlar qattiq nazorat ostida. Bundan tashqari, bolalarga baqirish va janjallashishga ruxsat berilmaydi. Ota-onalarning o‘zlari buni kuzatib, uyda xotirjamlik va hurmat muhitini yaratadilar.

Anjelina Joli: baqirishni taqiqlash va “blokirovka kunlari”

Uyda baqirishni taqiqlashni yana bir ko‘p bolali ona o‘rnatgan. Anjelina Joli uchta farzandni dunyoga keltirgan va yana uchta bolani asrab olgan. Gollivud yulduzi maqomiga qaramay, u juda yopiq hayot kechiradi va uning bolalari deyarli ijtimoiy tarmoqlarda ko‘rinmaydi hamda ommaviylikka intilmaydi. Hatto aktrisaning shaxsiy sahifasida ham oila bilan umumiy fotosuratlar yo‘q — faqat kamdan-kam portretlar mavjud.

Bolaligidan boshlab Joli farzandlarini uyda o‘qitgan, ularni filmlarga va gumanitar safarlarga olib borgan, tashqi dunyoning taʼsiridan himoya qilgan. Uning uyida bir nechta yozilmagan qonunlar mavjud. Eng muhimi — janjallar va baqirishni taqiqlash: ota-onalar har doim bolalar oldida janjallashmaslikka harakat qilishgan. Oilada, shuningdek, keraksiz shovqin va tashqi bosimsiz birga vaqt o‘tkazish uchun hech kim uydan chiqmaydigan “blokirovka kunlari” bor.

Barcha bolalarning internetga kirish imkoniyati bo‘lsa-da, uyda xavfsizlik filtrlari o‘rnatilgan. Aktrisaning sobiq eri Bred Pitt bir vaqtlar tarbiyalashda ko‘proq tuzilmani afzal ko‘rishini tan olgan edi. Biroq Anjelina o‘zi erkinlik va ishonchga tayanadi: bolalarning qatʼiy tartib-qoidalari va ovqatlanishda ham cheklovlar hech qachon bo‘lmagan.

Madonna: 16 yoshgacha telefondan foydalanishga cheklov va shirinliklarni taqiqlash

Eng shov-shuvli yulduzlardan biri Madonna oltita farzandining tarbiyasida qatʼiy qoidalarga amal qiladi. U ikkita farzandni dunyoga keltirgan to‘rttasini asrab olgan. Qo‘shiqchi o‘zining isyonkor obraziga qaramay, uyda talabchan va qattiqqo‘l onadir.

Uning bolalari erta yoshdan boshlab qatʼiy tartibda yashaydi. Ratsionda shirinlik, tuz, sut mahsulotlari va konservalar yo‘q. Televizor ko‘rish taqiqlangan, shuningdek, kechki sayrlar uchun komendantlik soati amal qiladi va barcha bolalar soat 10 dan kechiktirmay uyda bo‘lishlari kerak. Bundan tashqari, Madonnada muhim qoida bor: bolalar birinchi smartfonni faqat 16 yoshda olishadi.

Vogue jurnaliga bergan intervyusida qo‘shiqchi boshqa bolalari telefon olganida ular bilan aloqani yo‘qotganidan afsuslanib aytdi: “Bu bizning munosabatlarimizga chek qo‘ydi. Albatta, to‘liq emas, lekin smartfonlar ularning hayotida juda katta rol o‘ynay boshladi. Ular doimo o‘zlarini ijtimoiy tarmoqlardagi boshqa odamlar bilan taqqoslashadi va bu o‘z-o‘zini rivojlantirish uchun juda yomon taʼsir qiladi” deydi u.

Bleyk Layvli va Rayan Reynoldz: kadr tashqarisidagi va ota-onalar nazoratidagi bolalar

Shou-biznesning eng chiroyli va mustahkam juftliklaridan biri to‘rtta farzandni tarbiyalashmoqda. Bleyk 2023-yil fevral oyida eng kichik o‘g‘lini dunyoga keltirdi. Aytishlaricha, Rayanning go‘zal Skarlett Yohansson bilan oldingi nikohi ko‘p jihatdan bolalarni xohlamaganligi sababli buzilgan. Layvli esa doimo katta oila qurishni xohlayotganini aytgan.

Yulduzli ota-ona farzandlarini diqqat-eʼtibordan ehtiyotkorlik bilan himoya qilishadi. Bleyk jurnalistlarga bolalarini fotosuratga olishni to‘xtatishini iltimos qilib, ko‘p marta jamoatchilikka murojaat qilgan: “Biz turmush o‘rtog‘im bilan tanlagan kasbimizning yomon tarafi, shaxsiy hayotning yo‘qligidir va qiladigan barcha ishlarimiz darhol jamoatchilikka maʼlum bo‘ladi. Biz bolalarimizga ular uchun bu ochiqlik kerakmi yoki yo‘qmi, o‘zlari qaror qilishlariga imkon bermoqchimiz”, degan u.

Shuningdek, juftlik bolalarning kundalik tartibini qatʼiy nazorat qilishadi. Ularga ota-onalari yoniga suratga olish maydonchalariga borishga ruxsat beriladi, faqat janjal va qotillik sahnalari bo‘lmagan kunlarda. Mashhur ota-onalar farzandlarining hayotida imkon qadar o‘zlari qatnashishga harakat qilishadi: enagalarni taklif qilishsa-da, tarbiyani ularga to‘liq topshirishmaydi.