Yoshi qirqdan oshgandan keyin o‘z juftini topgan va turmushga chiqqan Gollivud olamining eng mashhur aktrisalarini e’tiboringizga havola etamiz.
Emi Adams, 41 yoshida turmushga chiqqan
Aktrisa Emi Adams 2001-yilda rassom Darren Le Gallo bilan aktyorlik san’atiga bag‘ishlangan maxsus kursida tanishgan. Bir yildan so‘ng ular “Penni” nomli qisqa metrajli filmda ishtirok etish vaqtida uchrasha boshlagan. Juftlik 2008-yilda unashtirildi va oradan yetti yil o‘tib Kaliforniyaning Santa Barbara shahridagi go‘zal maskanda to‘y marosimini o‘tkazdi.
Jessika Chesteyn, 40 yoshida turmushga chiqqan
2010-yilda ssenariy muallifi va rejissyor Ned Benson bilan uzoq muddatli munosabatlari tugaganidan so‘ng, aktrisa Jessika Chesteyn 2012-yilda italiyalik graf va Moncler kompaniyasining direktori Jan Luka Passi de Preposulo bilan uchrashishni boshladi. Oradan besh yil o‘tgach, ya’ni 2017-yilda Jessika qirollik oilasiga kelin bo‘ldi. To‘y Italiyaning Karbonara shahridagi Preposulo saroyida rasmiy marosim sifatida o‘tkazildi. Hozirda juftlik ikki nafar qizning ota-onasi.
Kemeron Dias, 42 yoshida turmushga chiqqan
Aktrisa Kemeron Dias 2015-yilda Good Charlotte guruhi gitarachisi Benji Maddenga tanishuvdan o‘n oy o‘tib turmushga chiqdi. Ularni Kemeronning dugonasi Nikol Richi tanishtirgan edi. 2019-yilda Dias va Madden surrogat onalik xizmati orqali ota-ona bo‘lish baxtiga muyassar bo‘ldi. Dunyoga kelgan qizaloqqa Reddiks deb ism qo‘yildi.
Julianna Mur, 43 yoshida turmushga chiqqan
Aktrisa Julianna Mur va rejissyor Bart Freyndlix 1996-yilda “O‘tmish soyalari” filmida suratga tushish vaqtida tanishib qolgan. Ular bir necha yil davomida birgalikda yashagan va ikki nafar farzandli bo‘lgach, (Kaleb Freyndlix va Liv Freyndlix) 2003-yil avgust oyida rasman nikohdan o‘tishdi.
Salma Hayek, 42 yoshida turmushga chiqqan
2007-yil mart oyi Salma Hayek hayotidagi eng quvonchli oy bo‘ldi: aktrisa Kering kompaniyasining bosh direktori Fransua Anri Pino bilan unashtirildi. O‘sha vaqtda Salma birinchi farzandiga homilador edi. Keyingi yil sentyabr oyida aktrisa qiz farzandini dunyoga keltirdi va 2009-yilda juftlik Parijda to‘y marosimini o‘tkazdi. Er-xotin ikki oydan keyin Venetsiyaga sayohat qildi va u yerda ham bayram tashkil etib, nikoh qasamlarini yangiladi.
Peris Hilton, 40 yoshida turmushga chiqqan
2019-yilda Peris Hilton va nihoyat o‘z juftini topdi. Uning turmush o‘rtog‘i tadbirkor Karter Reum bo‘lib, juftlik 2021-yil fevral oyida unashtirildi. Er-xotin 2021-yilning noyabrida nufuzli mehmonlar qurshovida o‘tgan to‘y marosimida nikoh qasamyodlarini aytishdi va butun dunyo bo‘ylab sayohatga yo‘l olishdi.
Kortni Kardashyan, 43 yoshida turmushga chiqqan
2021-yil yanvar oyida Kortni Kardashyan va Blink-182 rok guruhi barabanchisi Trevis Barker bilan munosabati tasdiqlandi. Ajoyib juftlik 2021-yil oktyabr oyida unashtirildi va 2022-yil may oyida Kaliforniyaning Santa Barbara shahrida nikohdan o‘tdi. Keyingi haftasiga esa Italiyaning Portofino shahrida to‘y marosimi davom ettirildi.
Britni Spirs, 40 yoshida turmushga chiqqan
Besh yil davom etgan munosabatdan so‘ng xonanda Britni Spirs Sem Asgariga turmushga chiqdi. Ular 2022-yil iyun oyida Slumber Party klipini suratga olish vaqtida tanishgan. Bu xonandaning uchinchi rasmiy nikohi.
Kirsten Danst, 40 yoshida turmushga chiqqan
Aktrisa Kirsten Danst o‘zining hamkasbi Jessi Plemons bilan 2016-yilda “Fargo” serialida er-xotin rollarini ijro etish vaqtida filmdagi munosabatlar reallikka ko‘chgan. 2017-yilda ular unashtirildi. Kristen 2018-yilning may oyida birinchi o‘g‘lini, 2021-yilning may oyida ikkinchi o‘g‘lini dunyoga keltirdi. Kristen va Jessi rasman nikohdan faqat 2022-yil iyul oyida o‘tishdi.
Jennifer Lopes, 52 yoshida turmushga chiqqan
Jennifer Lopes 2002-yilda tanishgan va to‘yiga bir necha kun qolganda munosabatlarini uzgan sevgilisi Ben Afflek bilan oradan 20 yil o‘tgach munosabatlarini qayta tikladi. Yulduzlar 2022-yil iyul oyida Las Vegasda turmush qurdi. Ularning munosabatlari turli nashrlar va ijtimoiy tarmoqlarda shov-shuvli xabarlar bilan barchaning e’tiborini tortdi. Ammo afsuski, so‘nggi xabarlarga qaraganda Ben va Jennifer nikohi uzoqqa bormadi. Lopes va Afflek ajralish arafasida ekanligini bir nechta xorijiy manbalar tasdiqlab yozdi.
Izoh (0)