Bugun hayotimizni maishiy texnikalarsiz tasavvur qilish qiyin. Shu sabab bunday mahsulotlar ishlab chiqarish bo‘yicha raqobat kuchli. Aytish kerak, O‘zbekiston maishiy texnika bozorida Ziffler brendi o‘z o‘rniga ega. Buni 3-may kuni Toshkent shahrida o‘tkazilgan yirik taqdimotdan ham bilib olish mumkin.
Taqdimotda Ziffler brendining yangilangan qiyofasi, missiyalari va so‘ngi modellardagi maishiy texnikalari namoyish etildi.
10 yillik yubiley
Ziffler texiniklari 10 yildan buyon O‘zbekiston bo‘ylab sotuvda. Mahsulotlar minglab oilalar hayotining ajralmas qismiga aylangan.
Kompaniya zamonaviy texnologiyalar asosida ishlab chiqarilayotgan sovutkichlar, kir yuvish mashinalari, duxovkalar, plitalar, dudbo‘ronlar, konditsionerlar va maishiy texnikalarni isteʼmolchilarga yetkazib bermoqda.
“Bugun Ziffler brendi 10 yilligini nishonlayapti deyish mumkin. Biz tadimotda oldimizga qo‘ygan yangi maqsadlarni mijozlarimizga, jurnalist va blogerlarga yetkazdik. Har bir mahsulot yo‘nalishimiz bo‘yicha yangiliklar qilganimizni ko‘rsatdik. Bugun Ziffler mahsulotlari sifati dunyoning istalgan brendi bilan bemalol raqobatlasha oladigan darajaga yetdi”, — dedi Ziffler brend menejeri Bahodir Qoratoyev.
Ziffler sovutkichlari — yangi daraja
Taqdimotda kompaniya tomonidan ishlab chiqilgan yangi modeldagi sovutgichlar haqida maʼlumot berildi. Ishtirokchilarga 680, 538, 409 va 388 litr hajmli flagman modellardagi sovutgichlar namoyish qilindi. Mazkur mahsulotlar elektr energiyasi o‘chib qolsa ham ichidagi sovuq haroratni 12 soatgacha ushlab tura olishi bilan o‘ziga xos. Qolaversa, tokni 40-60 foizgacha tejaydi.
Sovutgichlardan biri bo‘lgan 409 DI modelida vakuumli issiqlik izolyatsiya paneli (VIP) mavjud. Transport va aerokosmik sanoatda qo‘llaniladigan bu texnologiya korpus devorlarini issiqlik izolyatsiyasini yo‘qotmasdan deyarli 50 foizga yupqalashtirish imkonini beradi. Shu tufayli tashqi o‘lchamlar o‘zgarmagan holda ichki hajm 20–30 foizga oshadi.
Muhim xususiyatlardan biri — Metal Cooling tizimidir. Orqa devor metall ko‘rinishida tayyorlangan bo‘lib, butun kamera bo‘ylab sovuqni bir tekis taqsimlashga yordam beradi.
Sovutgich eshiklar tez-tez ochilganda harorat tebranishlarini kamaytirib, mahsulotlarning yangiligini uzoqroq saqlaydi.
Konditsioner: yozda salqin, qishda issiq
Taqdimotda yangi Ziffler konditsionerlari to‘g‘risida ham maʼlumot berildi. Misol uchun, Oslo 12 modeli maydoni 35 m² gacha bo‘lgan xonalar uchun ishlab chiqilgan.
Invertorli DC-motor barqaror va tejamkor ishlaydi. U ventilyator tezligini haroratga qarab avtomatik ravishda boshqaradi va tarmoqdagi beqaror kuchlanishga moslashadi. Hatto tok kuchida o‘zgarish bo‘lganda ham, konditsioner uzluksiz ishlashda davom etadi.
Sovuq kunlarda Oslo 12 to‘laqonli isitgich sifatida ishlatilishi mumkin. Minus haroratlarda quvvatini yo‘qotadigan ko‘plab ishlab chiqaruvchilarning konditsionerlaridan farqli o‘laroq, Ziffler o‘rnatilgan isitish elementi — TEN bilan jihozlangan. Shu tufayli isitish sifati tashqaridagi haroratga bog‘liq bo‘lmaydi.
Kir yuvish va quritish mashinalari uyg‘unligi
Taqdimotda oxirgi modeldagi kir yuvish mashinalari ham namoyish etildi. Ular tovushsiz va shovqinsiz ishlaydi, kir sodasini kam sarflaydi. Eng asosiysi kirlarni toza yuvadi.
Yangi Ziffler T10-FTG modeli — bu to‘laqonli kiyim parvarishi tizimining bir qismiga aylanishi mumkin bo‘lgan kir yuvish mashinasi. Unga qo‘shimcha ravishda xuddi shu dizayndagi quritish mashinasini ham xarid qilish mumkin. Ular birgalikda uyg‘un va samarali juftlikni hosil qiladi: bir to‘p kir yuvilayotganda, boshqasi quritiladi. Bunday yondashuv vaqtni tejaydi va kundalik turmushni yengillashtiradi.
Buning ustiga, natija ham aʼlo darajada bo‘ladi. Quritish mashinasi namlikni bir tekisda yo‘qotadi, matoga ehtiyotkorlik bilan munosabatda bo‘ladi va kiyimlarning shaklini saqlaydi. Barcha narsalar — sochiqlardan tortib nozik matolardan tikilgan kiyimlargacha quruq, yumshoq va g‘ijimlanmagan holda chiqadi.
Ziffler kir yuvish mashinasida bolalar kiyimlari uchun Baby Care rejimi mavjud — u chayishni kuchaytiradi va yuvish vositasining qoldiqlarini oxirgi tomchisigacha ketkazadi. Shunga o‘xshash funksiya — Skin Care — kiyimlarda kukun qoldig‘ini sezishni yoqtirmaydigan kattalar uchun ham mavjud.
Yana bir muhim funksiya — Anti-fade texnologiyasi. Bu ranglarning o‘chishidan himoya qiluvchi maxsus dastur bo‘lib, u barabanning harorati va aylanish tezligini ehtiyotkorlik bilan boshqaradi, bu esa o‘nlab yuvishlardan keyin ham kiyimlarning rangini yorqin saqlashga yordam beradi.
Va nihoyat, qulay bonus — quritgich va kir yuvish mashinasi orasiga o‘rnatiladigan tortma. Unga kiyimlarni vaqtincha joylashtirish qulay — masalan, yuvish sikllari orasida.
Imo-ishoralar bilan boshqariladigan dudbo‘ron
Tadbir davomida Ziffler AH-T608WSB dudbo‘roni haqida ham suhbatlashildi. Yangi modeldagi mazkur mahsulot unumdorligi soatiga 750 dan 800 kub metrgacha. Bu faol ovqat tayyorlash — qovurish, dimlash, pishirish paytida ham hidlarni bartaraf etish uchun yetarlidir.
Mazkur modelning boshqaruvi to‘liq sensorli bo‘lib, tugmalar va buragichlarsiz ishlaydi. Uskuna smartfon ekranidek yengil teginishlarga javob beradi. Qo‘l harakatlari bilan boshqarishning puxta o‘ylangan imkoniyati ham mavjud. Agar qo‘llar yog‘ yoki xamir bo‘lsa, boshqaruv panelini kir qilmoqchi bo‘lmasa, sensor oldidan qo‘l o‘tkazish kifoya — shunda dudbo‘ron ishga tushadi.
Taqdimotda Ziffler ishlab chiqarayotgan har bir mahsulot dizayni, sifati va narxi barchaga manzur bo‘lishiga alohida urg‘u berildi. Qolaversa, ayrim maishiy texnika mahsulotlarida sunʼiy ong texnologiyalari ham joriy etilgani ishtirokchilarda katta qiziqish uyg‘otdi.
Ziffler maishiy texnikalari imkoniyatlari haqida brendning rasmiy sahifalari orqali batafsil maʼlumot olish mumkin:
Instagram: https://www.instagram.com/ziffleruz/
Facebook: https://www.facebook.com/ziffleruzbekistan
Telegram: https://t.me/zifflergroup
Reklama huquqi asosida
Izoh (0)