Siberian Wellness — O‘zbekistonda 15 yil

Siberian Wellness kompaniyasiga 1996-yilda Novosibirskda asos solingan. 2005-yildan boshlab kompaniya xalqaro bozorlarga chiqdi, 2010-yilda esa O‘zbekistonda (jahondagi 7-mamlakatda) Siberian Wellness vakolatxonasi ochilgan.

Har bir bozorga kirishdan oldin marketing tadqiqotlari o‘tkaziladi, mamlakatda faoliyat yuritish istiqbollari baholanadi. Kompaniya jamoasi O‘zbekistonni istiqbolli bozor sifatida baholaganini quyidagilar ko‘rsatib turibdi: kompaniyaning bosh qarorgohini tanlashdagi puxta yondashuvlar, ta’minot zanjirlarini tashkil etishdagi asoslilik, jamoani shakllantirish va uzluksiz o‘qitish, shuningdek, sohaga oid va sohaga oid bo‘lmagan aktivlarga kiritilgan sarmoyalar.

Bugungi kunda O‘zbekistonda Siberian Wellness quyidagilarni o‘z ichiga oladi:

1. Toshkentdagi rasmiy vakolatxona.
2. Franshiza asosida hamkorlar tomonidan ochilgan 150 ta do‘kon.
3. Hozirgi vaqtda O‘zbekistondagi Vakolatxonada, ishlab chiqarish korxonasida va ekobog‘larda 196 nafar xodim faoliyat yuritmoqda.
4. Namangan viloyatidagi ishlab chiqarish majmuasi (ISO/GMP/FSSC/Halal standartlari bo‘yicha sertifikatlangan) konveyerlarida Sibirda ishlab chiqariladigan mahsulotga aynan o‘xshash Siberian Wellness mahsulotlari tayyorlanadi. Shuningdek, konsentrlangan olma sharbati ishlab chiqarish liniyasi ishlab turibdi, innovatsion ekologik usulda pektin ishlab chiqarish liniyasi esa ishga tushirish bosqichida.
5. Ispaniya, Fransiya va O‘zbekistonning eng sara ko‘chatxonalarida yetishtirilgan ko‘chatlar (9 turdagi mevali daraxtlar: o‘rik (28 nav), shaftoli, nektarin, nok, bodom, olxo‘ri, uzum, olma, gilos) 415 gektar maydonda ekilgan.

Mahalliy assortimentda paydo bo‘lishiga qarab mahsulot liniyalari:

1. DAILY Box seriyasi 
2. Premium toifadagi Siberian Super Natural Nutrition ovqatlanish dasturlari - go‘zallik va salomatlik haqida g‘amxo‘rlik qilishda maksimal tabiiylik va samaradorlikka intiluvchi talabchan mijozlar uchun tayyor yechimlar.
3. Professional sportchilar va sport ishqibozlari uchun oqsillar, aminokislotalar, vitamin-mineral komplekslar. 
4. Mutaxassislar yoki sog‘liqni saqlashga yuqori darajada yondashuvchi shaxslar tomonidan individual nutritsevtik dasturlarni tuzish uchun mono-mahsulotlar (har bir mahsulotda bitta faol modda).
5. Atirlar - Misol uchun, Siberian Wellness’ning “Choy an’analari” atirlar turkumi O‘zbekistonga juda yaqin, chunki bu yerda choy ichish shunchaki ichimlik emas, balki madaniyat va mehmondo‘stlikning ajralmas qismi hisoblanadi. Turkumdagi har bir atir choy marosimining davomidek: iliq, nafis, qamrab oluvchi, uyg‘unlik va shinamlik his-tuyg‘ularini uyg‘otadi. Bu atirlar an’analarni qadrlaydigan va ularni o‘z atrida aks ettirmoqchi bo‘lgan insonlar uchun yaratilgan. Yangi choy kolleksiyasiga e’tibor qarating. 

O‘zbekistonda eng mashhur bo‘lgan mahsulotlar:

1. KOREN - keng ta’sir doirasiga ega bo‘lgan malham.
2. Novomin - samarali vitamin kompleksi, O‘zbekistonda konveyerdan chiqqan birinchi mahsulot.
3. Immunoboks - immunitetning sifatli ishlashini har kuni qo‘llab-quvvatlash uchun tabiiy kompleks.
4. Tabiiy inulin konsentrati - topinambur asosidagi mahsulot, moddalar almashinuvini yaxshilaydi va ichak faoliyatini normallashtiradi.
5. Salomatlik ritmlari - xronobiologik ritmlarni hisobga olgan holda ishlab chiqilgan vitamin-mineral kompleks.
6. Tozalik manbalari - organizmni zararli moddalardan tozalash uchun mo‘ljallangan mahsulotlar seriyasi.

Iste’molchilar o‘z sodiqliklarini faqatgina so‘zlar yoki layklar bilan emas, balki, tashrif buyurib amaliy harakatlari bilan ham tasdiqlashmoqda (O‘zbekistondagi mijozlar soni bu yillar davomida 100 000 nafarga yetdi). Kompaniyaning mahsulotlari va yechimlari ekspertlar tomonidan ham e’tirof etilmoqda. Xususan, 2023 va 2024-yillarda kompaniya bir nechta nominatsiyalar bo‘yicha “Yil brendi” mukofotiga sazovor bo‘ldi:

1. 2024-yil: iste’molchilar ovozi natijalariga ko‘ra “2023-yilda O‘zbekistonda innovatsion biologik faol qo‘shimchalarning eng katta assortimentini taqdim etishdagi yutuqlari uchun” mukofoti hamda ekspertlar hay’atining “Biologik faol qo‘shimchalar” nominatsiyasida birinchi o‘rin.
2. 2023-yilda Kompaniya “2022-yilda O‘zbekistonni rivojlantirishga qo‘shgan investitsion va farovonlik hissasi uchun” maxsus mukofotga sazovor bo‘ldi hamda iste’molchilar tanlovi bo‘yicha “Bolalar ovqatlanishi. Biologik faol qo‘shimchalar” nominatsiyasida g‘olib bo‘ldi.

Siberian Wellness har bir mavjudlik nuqtasida nafaqat intellektual va ishlab chiqarish qiymati markazlarini yaratadi, balki ijtimoiy mas’uliyat va qarorlarning ekologik tozaligini ham namoyish etadi.

Birinchidan, korxona ofisda, ishlab chiqarish majmuasida, bog‘larda yuzlab ish o‘rinlarini yaratdi, shuningdek, kompaniya franshizasi asosida ochilgan do‘konlarda aholi bandligini oshirishga hissa qo‘shmoqda, infratuzilmaga sarmoya kiritmoqda, o‘zining ishlab chiqarish va qishloq xo‘jaligi klasteri faoliyati doirasida fermerlar va boshqa pudratchilar bilan shartnomalar tuzmoqda. Ikkinchidan, kompaniya mahsulotlari hayotining barcha bosqichlarida qat’iy ekologik nazoratga rioya qilinadi - qadoqlash materiallaridan tortib texnologik jarayonlargacha bo‘lgan hamma narsada tabiatga ta’sir minimallashtiriladi. Uchinchidan, kompaniya ijtimoiy va eko-loyihalarda tashabbus ko‘rsatadi va faol ishtirok etadi:

1. 2020-yilda Sardoba suv omborida sodir bo‘lgan falokat paytida "Mehr karvoni" korporativ tashabbusi doirasida jabrlanganlarga 180 million so‘mdan ortiq miqdorda insonparvarlik yordami ko‘rsatildi.
2. 2022-yil 21-aprel kuni Siberian Wellness xodimlari va hamkorlari Toshkent shahrini ko‘kalamzorlashtirish ishlarida qatnashib, Furqat nomidagi bog‘ga 200 tup qayrag‘och va shum tol ko‘chatlarini ekdilar.
3. Kompaniya Ekologiya, atrof-muhitni muhofaza qilish va iqlim o‘zgarishi vazirligi qoshidagi Orolbo‘yi xalqaro innovatsiya markazining ekologik loyihasini qo‘llab-quvvatlamoqda. 2 yil davomida Siberian Wellness hamkorlari, xodimlari va ko‘ngillilari tomonidan qurib qolgan Orol dengizi tubida 14 220 tup saksovul va 500 tup qurg‘oqchilikka chidamli manzarali daraxt ko‘chatlari o‘tqazildi. Bu qurg‘oqchilikka chidamli daraxtlar tuproq eroziyasining oldini olishga xizmat qiladi.
4. Kompaniya hayvonlarni himoya qilish bo‘yicha “Hayot” (itlar uchun boshpana) va “Mushukkent” (ko‘cha mushuklarini sterilizatsiya qilish va himoya qilish dasturi) loyihalarini qo‘llab-quvvatlamoqda.

O‘zbekistondagi uzluksiz o‘sish va rivojlanishning 15 yilligi sharafiga Siberian Wellness jamoasi an’anaviy o‘zbek naqshini o‘z ichiga olgan kompaniya logotipining maxsus talqinini yaratdi. Bu logotip mahalliy an’analarga hurmat, O‘zbekiston halol va mas’uliyatli biznes uchun yaratayotgan imkoniyatlarga minnatdorchilik hamda 15 yil mamlakatdagi uzoq muddatli samarali faoliyatning boshlanishi ekanligiga ishonch ramzi hisoblanadi.

Kompaniya jamoasi - O‘zbekiston aholisining har ikkinchi kishisi o‘z salomatligi va go‘zalligini asrash uchun Siberian Wellness innovatsion mahsulotlaridan foydalanishiga erishishni, o‘z oldiga katta maqsad qo‘ygan.

Sayt: uz.siberianhealth.com
Instagram: @siberianwellness_uzbekistan 
Facebook: @siberianwellnessuzbekistan 
Telegram: @swuzbekistan 
Telefon: 78 113 87 67

Reklama huquqi asosida.