Iste’dod, albatta, qon orqali o‘tishi tibbiyotda o‘z isbotini topgan. Ishonish qiyin, ammo tashqi ko‘rinishida katta tafovut bo‘lgan quyidagi mashhurlar bir-biriga qarindoshdir.
Jastin Biber va Rayan Gosling
Jastin va Heyli Biberlarning to‘yida birgina mehmon: aktyor Rayan Gosling yetishmadi. Xonanda maxsus veb-sayt yordamida oila daraxtini yaratganida hayratda qoldi. Ma’lum bo‘lishicha, Jastin va Rayanni 11-avlodda umumiy qarindoshlar birlashtirib turadi.
Kanadalik pop musiqachining o‘zi Avril Lavin bilan qarindoshligini ham e’lon qilgan. Jastinning o‘zi olib borgan izlanishlarga ko‘ra, Avril uning ota tomondan uzoq qarindoshi bo‘lib chiqqan.
“Men aktyor Rayan Gosling va xonanda Avril Lavin bilan qarindoshligimni bildim! Bu mening hayotimdagi eng yaxshi kun!”, dedi Biber g‘urur bilan.
Jeyson Momoa va Zoi Kravits
“Taxtlar o‘yini”dagi Khal Drogo obrazi yulduzi Jeyson Momoa va model Liza Bonet qariyb 16 yil munosabatda bo‘lgan. Aktyor qallig‘ining qizi, “Divergent” filmi yulduzi Zoi Kravitsga o‘gay ota hisoblanadi.
Opa-singil El va Dakota Fanning hamda Keyt Middlton
Opa-singil El va Dakota Fanninglar qirol Edvard III ning avlodlari. Shuning uchun ular shahzoda Uilyamning rafiqasi Keyt Middltonga uzoq qarindosh hisoblanadi.
Tarixchilarning ta’kidlashicha, El va Dakotaning katta bobosi Angliya hukmdori Eduard III monarxiya davlatini 1327–1377-yillarda boshqargan. Aktrisa opa-singillar ko‘pincha “g‘oyib bo‘lgan malikalar” deb ataladi.
Jonni Depp va Yelizaveta II
Jek Chittak obrazi qahramoni Jonni Depp ajdodlarining iyerarxiyasi marhum qirolicha Yelizaveta II ga borib taqaladi.
Anjelina Joli va Hillari Klinton
AQSHning sobiq birinchi xonimi Hillari Klinton va Gollivud aktrisasi Anjelina Joli Jin Kassonning avlodlaridir.
Mett Deymon, Ben va Keysi Afflek
Aktyorlar qarindoshligi o‘ninchi avlodga borib taqaldi. Kichik Uilyam Noulton XVII asrda Angliyadan Amerikaga ko‘chib kelgan. Aytgancha, aka-uka Ben va Keysi Afflek hamda Mett Deymon Bostonning bir rayonida tug‘ilib o‘sgan.
Izoh (0)