Karlo Anchelotti Klasikoga psixologik tayyorgarlik haqida gapirdi.
“Ushbu o‘yinlardan oldin biz ko‘p gaplashmaymiz. Eng muhimi aniq g‘oya uchun oddiy va tushunarli strategiyani tayyorlashdir. Ko‘p gapirishning hojati yo‘q, chunki hamma tayyor va o‘ynashni xohlaydi.
O‘zim ham futbolchi bo'lganimda muhim uchrashuvlar oldidan juda xavotirlanardim. Van Basten kabi buyuk futbolchi buni ko‘rib: “Tinchlan, strategiya oddiy: to‘pni menga uzatasan va golni nishonlash uchun yugurasan”, dedi.
Baxtimga, bunday holat ko‘p sodir bo‘lardi”, dedi “Real” bosh murabbiyi.
Bundan tashqari, Anchelotti “Barselona” klubi haqida ham fikr bildirib o‘tdi.
“Ular o‘yin haqida juda aniq tasavvurga ega, juda jasur jamoa va biz o‘yinga yaxshi tayyorgarlik ko‘rishimiz kerak.
Ular juda yaxshi harakat qilishmoqda, klassikoda favorit nomini aytish qiyin. Yaxshiyamki, kechalari meni hech narsa ushlab turmaydi.
Flik o‘yin falsafasini o'zgartirdi, lekin men uchun Xavi o‘ziga xos tarzda fantastik ish qildi, u bizga qarshi o‘yinlarda g‘alaba qozondi. Men murabbiylarni solishtirmoqchi emasman. Biz Flikning “Barsa”sini, xuddi Xavining “Barsa”sidek hurmat qilamiz”, dedi Anchelotti.
Ma’lumot uchun, “Real” — “Barsa” uchrashuvi bugun 26-oktyabr kuni tunda bo‘lib o‘tadi.
Izoh (0)