Karlo Anchelotti “Chelsi”ning sobiq futbolchisi Jon Obi Mikel boshchiligidagi The Obi One Podcast dasturi mehmoni bo‘ldi.
Yozda Kilian Mbappe Madrid jamoasiga qo‘shildi.
Podkast davomida Obi Mikel shunday dedi: “Arda Guler, Endrik, Rodrigo, Mbappe, Vinisius, Bellingem — sizda dahshatli jamoa bor”.
“Juda dahshatli, ha. Shuning uchun biz qoidalarni o‘zgartirib, maydonga 11 nafardan ko‘proq futbolchi tushirishimiz kerak.
Ronaldu ketganidan so‘ng biz yildan yilga ajoyib yosh futbolchilarni sotib oldik”.
Anchelotti “qirollik klubi”ning boshqa yulduzlarini ham esladi.
“Krishtianu Ronalduga murabbiylik qilish juda oson edi. Agar jamoangizda har bir o‘yinda gol uradigan o‘yinchi bo‘lsa, bu albatta oson! Garet Beyl men murabbiylik qilgan eng yaxshi futbolchilardan biri. Bu yerda, Madridda uni afsona deb hisoblashadi.
Eden Azar — fantastik yigit, uning muammosi, albatta, jarohatlar edi. Lekin, menimcha, unga raqobat qilish ham qiyin bo‘ldi. Agar o‘ynamasang, mashg‘ulotlarda ancha qizg‘in ishlash kerak. Edenga bir vaqtning o‘zida raqobat qilish, kurashish va o‘ynash qiyin bo‘ldi”, deydi “Real Madrid” murabbiyi.
Ma’lumot uchun, Ronaldu 2009—2018-yillar davomida “Real” safida o‘ynagan va 292 uchrashuvda 311 ta gol urgan.
Izoh (0)