La Liga. “Real” safarda “Las-Palmas”ni yenga olmadi

Futbol bo‘yicha Ispaniya chempionatining 3-turida “Real” 29-avgust, payshanba kuni “Las-Palmas”ga qarshi bahs olib bordi.

Uchrashuvning 5-daqiqasida Moleyro “Las-Palmas”ni hisobda oldinga olib chiqdi. Birinchi bo‘lim shu hisob bilan yakunlandi.

Ikkinchi bo‘limda esa to‘pni nazorat qilgan madridliklar penalti ishlab olishga muvaffaq bo‘ldi. 69-daqiqada Vinisius Junior penaltini aniq amalga oshirdi. Qolgan daqiqalarda darvozalar ishg‘ol etilmadi va uchrashuv durang bilan yakunlandi.

Karlo Anchelotti shogirdlari ortda qolgan 3 turdan so‘ng 5 ochko bilan 5-o‘rinda bormoqda.

La Liga

3-tur

29-avgust, payshanba

“Las-Palmas” — “Real” 1:1

Gollar: 1:0 – 5 Moleyro, 1:1 – 69 Vinisius Junior (penalti).

“Las-Palmas”: Sillessen, Marmol, Makkenna, Suares, Marvin, Kampanya (Luaodis, 81), Moleyro (Benito Ramires, 61), Rodriges (Fuster, 81), Xavi Munyos, Sandro Ramires (Viti, 78), Makberni (Mata, 78).

“Real Madrid”: Kurtua, Mendi (Fran Garsiya, 46), Ryudiger, Militao, Vaskes (Karvaxal, 76), Tchuameni, Valverde, Vinisius Junior (Endrik, 86), Modrich (Gyuler, 64), Braim Dias (Rodrigo, 46), Mbappe.

Ogohlantirishlar: Mendi (40), Karron (74), Militao (88).