“Barselona” La Liganing 34-turida “Espanyol” ustidan g‘alaba qozonib, muddatidan oldin Ispaniya chempionligini qo‘lga kiritdi.
Kataloniyaliklar o‘z tarixida 99-sovriniga ega chiqdi. Mavsum avvalida “Real”da ham xuddi shuncha sovrin bor edi, biroq ular bir hafta oldin “Osasuna” ustidan g‘alaba qozondi va Ispaniya Kubogi sohibiga aylandi.
Shu bois, “Madrid” “Barselona”dan sovrinlar bo‘yicha o‘tib ketdi va hozirda hisob — 100:99. Joriy mavsum “Real”da yana bir sovrin yutish uchun imkon bor. Madridliklar Chempionlar Ligasi yarim finalida ishtirok etmoqda.
Ispaniya chempionatidagi g‘alabalar bo‘yicha “qaymoqranglilar” sezilarli darajada oldinda. Barchasi super muvaffaqiyatli o‘tgan 1960—70-yillar evaziga. “Real” 1961-yildan 1980-yilga qadar 14 marta chempionatda zafar quchgan. “Barselona” esa bu vaqtda faqat bir marta Ispaniya chempionligini nishonlagan (1974-yil).
Ispaniya Kubogida esa kataloniyaliklar oldinda. XXI asrda “Barselona” turnirda yetti bor zafar quchgan bo‘lsa, “Real” bu vazifani uch marta uddalagan. Ispaniya Kubogi bo‘yicha madridliklar, hattoki, ikkinchi o‘rinda ham emas. “Atletik” o‘z tarixi davomida 23 marta musobaqa chempioniga aylangan.
“Real” Chempionlar Ligasi va Yevropa Chempionlar Kubogida dominant. Yevropa Chempionlar Kubogi davrida “Barselona” faqat bir marta, 1992-yilda, g‘alaba qozongan. “Real”da esa bu ko‘rsatkich oltitani tashkil etadi. Zamonaviy formatda esa kataloniyaliklar 4 bora chempionga aylangan bo‘lsa, madridliklar 8 marta chempion bo‘ldi. Agar mavsumning eng muhim ikki o‘yinida g‘alaba qozona olsa, Karlo Anchelotti jamoasi yana bir marta chempionga aylanadi.
Lotin Kubogi 1950-yillarda o‘tkazilgan bo‘lib, unda Ispaniya, Portugaliya, Fransiya va Italiya chempionlari ishtirok etgan. Eva Duarte Kubogida esa Ispaniya Superkubogining analogi hisoblanadi. 1940-yillardan 50-yillar boshiga qadar mamlakat chempioni va Ispaniya Kubogi sohibi o‘zaro to‘qnash kelgan. Eva Duarte — o‘sha vaqtdagi Argentina rahbarining rafiqasi.
Izoh (0)