“Borussiya” klubi bosh murabbiyi Nuri Shahin klub nima uchun Madridda mashg‘ulot o‘tkazmaslikka qaror qilganini tushuntirdi.
Avvalroq Dortmund klubi raqibning kuzatuvlaridan cho‘chib, Chempionlar Ligasi 3-tur o‘yini oldidan “Real” maydonida mashg‘ulot o‘tkazmaslikka qaror qilgani haqida xabarlar tarqalgandi.
“Kelgusi haftalarda bizni ko‘plab safar o‘yinlari kutib turibdi va biz o‘z imkoniyatlarimizdan unumli foydalanmoqchimiz. Kuzatuv haqida o‘qidim, lekin sabab bu bilan bog‘liq emas. Hozirgi davrda tahlil uchun har qanday video yozuvlardan foydalanish imkoniyatiga egamiz. Men shunchaki futbolchilarga uyda biroz ko‘proq vaqt o‘tkazishlariga ruxsat berdim.
“Real» bizning o‘yinlarimizni, biz esa ularning o‘yinlarini yetarlicha tomosha qilganmiz”, deya dortmundliklar ustozining so‘zlarini keltiradi AS.
Ma’lumot uchun, “Real” — “Borussiya D” bahsi bugun, 22-oktyabr kuni bo‘lib o‘tadi.
Izoh (0)