YCHL. “Bavariya” raqib darvozasiga 9 ta gol urdi, Keyndan poker, “Liverpul” “Milan”ni yengdi, “Real” va “Yuventus”da ishonchli g‘alaba

Futbol bo‘yicha Yevropa Chempionlar Ligasining 1-turidan o‘rin olgan o‘yinlar 17-sentyabr, seshanba kuni bo‘lib o‘tdi.

“Real” o‘zida “Shtutgart”ni qabul qildi. Birinchi bo‘limda darvozalar ishg‘ol etilmadi. Ikkinchi bo‘lim boshida esa Kilian Mbappe hisobni ochdi. 68-daqiqada Undav hisobni tenglashtirdi. 83-daqiqada esa Antonio Ryudiger madridliklarning ikkinchi goliga mualliflik qildi. O‘yin oxirida esa Endrik yakuniy golni urdi va “qaymoqranglilar” 3:1 hisobidagi g‘alabani rasmiylashtirdi.

“Liverpul” esa “Milan” ustidan 3:1 hisobida ustun keldi. Mersisaydliklar safida Konate, van Deyk va Soboslay gol urdi, milanliklar tarkibida Pulishich o‘z nomini tabloga yozdirib qo‘ydi.

“Bavariya” “Dinamo” Zagrebni 9:2 hisobida tor-mor etdi. Myunxenliklar tarkibida Harri Keyn poker qayd etdi. Olise esa dubl muallifi bo‘ldi. Yana uchta gol Sane, Goretska va Gerreyru hisobiga yozildi.

“Yuventus” “PSV”ga qarshi bahs olib bordi va 3:1 hisobida g‘alaba qozondi. Turinliklar safida Yildiz, Makkenzi va Gonsales gol muallifi bo‘lgan bo‘lsa, Niderlandiya klubi tarkibida Saybari darvozani ishg‘ol qildi.

YCHL

1-tur

17-sentyabr. seshanba

“Real” – “Shtutgart” 3:1

Gollar: 1:0 – 46 Mbappe, 1:1 – 68 Undav, 2:1 – 83 Ryudiger, 3:1 — 90+5 Endrik.

“Real Madrid”: Kurtua, Mendi (Fran Garsiya, 76), Ryudiger, Karvaxal, Vaskes (Militao, 46), Bellingem (Endrik, 80), Tchuameni (Modrich, 70), Valverde, Vinisius Junior, Mbappe, Rodrigo (Gyuler, 75).

“Shtutgart”: Nyubel, Mittelshtedt, Shabo, Ruo, Vagnoman (Cheyz, 63), Shtiller, Karazor, Fyurix (Rider, 63), Miyo (Demirovich, 75), Leveling, Undav (Ture, 76).

Ogohlantirishlar: Vaskes (23), Mittelshtedt (30), Anchelotti (60), Valverde (78), Militao (80).

“Milan” – “Liverpul” 1:3

Gollar: 1:0 – 3 Pulishich, 1:1 – 23 Konate, 1:2 – 41 van Deyk, 1:3 – 67 Soboslai.

“Milan”: Menyan (Torryani, 51), Teo, Pavlovich, Tomori (Gabbiya, 84), Kalabriya (Emerson, 70), Loftus-Chik (Abraham, 70), Fofana, Reynders, Pulishich, Rafael Leau, Morata (Okafor, 84).

“Liverpul”: Alisson, Simikas, van Deyk, Konate, Aleksander-Arnold (Gomes, 79), Mak Allister, Gravenberx, Soboslai, Gakpo (Dias, 68), Saloh, Diogu Jota (Nunyes, 68).

Ogohlantirishlar: Kalabriya (22), Fofana (31), Mak Allister (53), Fonseka (60), Konate (80).

“Bavariya” – “Dinamo” Zagreb 9:2

Gollar: 1:0 – 19 Keyn (penalti), 2:0 – 33 Gerreyru, 3:0 – 38 Olise, 3:1 – 48 Petkovich, 3:2 – 50 Ogivara, 4:2 – 57 Keyn, 5:2 – 61 Olise, 6:2 – 73 Keyn (penalti), 7:2 – 78 Keyn (penalti), 8:2 – 85 Sane, 9:2 – 90+2 Goretska.

“Bavariya”: Noyer (Ulrayx, 46), Devis, Kim Min Chje (Dayer, 69), Upamekano, Gerreyru (Goretska, 81), Pavlovich, Kimmix, Olise (Sane, 68), Gnabri, Musiala (Myuller, 68), Keyn.

“Dinamo” Zagreb: Nevistich, Ogivara (Xoja, 73), Pyer-Gabriel (Shpikich, 73), Mmae, Teofil-Katrin, Ristovski, Baturina (Ademi, 78), Mishich, Rog (Stoykovich, 46), Pyasa (Kulenovich, 61), Petkovich.

Ogohlantirish: Ristovski (77).

“Yuventus” – “PSV” 3:1

Gollar: 1:0 – 21 Yildiz, 2:0 – 27 Makkenni, 3:0 – 52 Gonsales, 3:1 – 90+3 Saybari.

“Yuventus”: Di Gregorio, Kambyazo, Bremer, Gatti (Danilo, 57), Kalulu, Kopmeyners, Lokatelli (Tyuram, 57), Makkenni (Duglas Luis, 75), Yildiz (Fajoli, 69), Vlahovich, Gonsales (Vea, 69).

“PSV”: Drommel, Dams (Mauro Junior, 76), Boskali, Flamingo, Ledesma (Nagalo, 86), Verman (Saybari, 62), Sxauten, Til (Lang, 62), Tillman, de Yong (Pepi, 77), Bakayoko.

“Yang Boys” – “Aston Villa” 0:3

Gollar: 0:1 – 27 Tilemans, 0:2 – 38 Remzi, 0:3 – 86 Onana.

“Sporting” – “Lill” 2:0

Gollar: 1:0 – 38 Dokeresh, 2:0 – 65 Debast.