Futbol bo‘yicha Ispaniya chempionatining 5-turida “Real” klubi “Real Sosyedad’ni mag‘lub etdi — 2:0. Madridliklar bosh murabbiyi Karlo Anchelotti uchun bu o‘yin ketma-ket mag‘lubiyatsiz 32-o‘yin bo‘ldi va bu uning yangi shaxsiy rekordiga aylandi.
Italiyalik mutaxassis boshchiligidagi “Real” so‘nggi bor shu yilning yanvar oyida “Atletiko”ga qarshi o‘yinda (2:4) mag‘lub bo‘lgandi.
Anchelotti o‘zining oldingi eng yaxshi mag‘lubiyatsiz seriyasini “Real Madrid”dagi 2013—2014-yilgi mavsumda (31 o‘yin) qayd etgandi.
Eslatib o‘tamiz, “Real Sosyedad” bilan o‘yinda madridliklar safida Kilian Mbappe va Vinisius Junior gol urishga muvaffaq bo‘ldi. Har ikki futbolchi penaltidan gol urdi. Jamoa keyingi o‘yinni Chempionlar Ligasi doirasida “Shtutgart”ga qarshi o‘tkazadi. O‘yin ertaga, 17-sentyabr kuni bo‘lib o‘tadi.
Izoh (0)