“Real” Kilian Mbappening transferidan xursand emas, deya xabar bermoqda jurnalist Romen Molina.
“Ular Kilianni olganidan afsusda. Bunga kafolat beraman. Bu haqida menga aytishdi.
Ular kutgan narsa bo‘lmadi. Bu shunchaki Peresning istagi edi. Florentinoni faqat yulduz futbolchilar qiziqtirgan. Shuningdek, u Mbappeni o‘z o‘g‘lidek ko‘radi.
Klubdagilar uning o‘yinidan xafa. “Real” katta xato qildi deb o‘ylayman. Bellingemdan farqli ravishda Mbappe mavsumoldi mashg‘ulotlarda ishtirok etmadi”, — deydi Molina.
Avvalroq Kilianning Shvetsiyaga safari chog‘ida do‘stlari bilan tunab qolgan Stokgolm markazidagi mehmonxonada jinsiy zo‘ravonlik bo‘yicha shikoyat yuzasidan politsiya tekshiruvni boshlagani ma’lum bo‘lgandi. Mbappening o‘zi esa bu ma’lumotni yolg‘on deya atagan.
Joriy mavsumda fransuz La Liga doirasida 8 ta o‘yinda maydonga tushib, 5 ta gol va bitta golli uzatmani amalga oshirgan.
Izoh (0)