“Barselona” bosh murabbiyi Xans-Diter Flik Yevropa Chempionlar Ligasi 3-turidan o‘rin olgan “Bavariya”ga qarshi o‘yindagi yirik g‘alabasi haqida fikr bildirdi.
“Kerakli natijaga erishdik va 3 ochkoni qo‘lga kiritdik. O‘yin ajoyib o‘tdi. Birinchi goldan so‘ng 10—15 daqiqa davomida biroz qiynaldik, ammo yakunda jamoaning bunday vaziyatdan chiqib ketganini ko‘rish ajoyib. Bizda yosh jamoa bor va bunday holatlarni ko‘rish muhim.
Bizning salohiyatimiz ancha yuqori. Har bir bahsda shunga o‘xshash harakatlar qilishga, o‘yinimizni yaxshilashga harakat qilamiz. Bu — bizning maqsadimiz.
“Bavariya” — fantastik o‘yinchilarga ega ajoyib jamoa. Men ularning o‘yinini tomosha qilishni yoqtiraman.
Albatta, bunday g‘alabalarni nishonlasa arziydi, bu — jamoa uchun ajoyib yutuq. G‘alaba shanba kungi klasiko oldidan menga ishonch bag‘ishlaydi. Hozir “Bernabeu”dagi o‘yin haqida o‘ylamayman. Ertadan boshlayman”, deya germaniyalik mutaxassisning so‘zlarini keltiradi Marca.
Ma’lumot uchun, Rafinya het-trik qayd etgan o‘yinda “Barselona” 4:1 hisobida Germaniyaning “Bavariya” klubini mag‘lub etdi.
“Real Madrid” — “Barselona” uchrashuvi 26-oktyabr kuni bo‘lib o‘tadi.
Izoh (0)