UEFA matbuot xizmati Chempionlar Ligasi umumiy bosqichining 3-turi yakunlariga ko‘ra haftaning eng yaxshi futbolchisi sovriniga nomzodlarni e’lon qildi.
Ushbu e’tirofga to‘rt nafar futbolchi nomzod bo‘ldi. Bular “Real Madrid” hujumchisi Vinisius Junior, “Monako” yarim himoyachisi Takumi Minamino, “Barselona” vingeri Rafinya va “Milan” yarim himoyachisi Teyani Reynders.
Eslatib o‘tamiz, Vinisius Dortmundning “Borussiya”si bilan o‘yinda (5:2), Rafinya “Bavariya”ga (4:1) qarshi o‘yinda xet-trikka erishdi. Minamino dubl va assist qayd etgan bo‘lsa, Reynders "Bryugge" bilan o‘yinda (3:1) 2 ta to‘p kiritdi.
Chempionlar Ligasining yangi formati quyidagicha: sakkizta tur yakunlariga ko‘ra, 36 ta klubdan iborat jadval tuziladi. Jadvalning dastlabki 8 jamoasi to‘g‘ridan to‘g‘ri nimchorak finalga yo‘l oladi. 9—24-o‘ringacha bo‘lgan klublar 1/8 finalga chiqish huquqi uchun pley-off o‘yinlarini o‘tkazadi.
Izoh (0)