Anchelottiga yetib olgan Gvardiola, Superkuboklarda omadsiz “Sevilya”. UEFA Superkubogiga oid raqamlar va faktlar

Futbol bo‘yicha UEFA Superkubogida “Manchester Siti” “Sevilya” ustidan penaltilar seriyasida g‘alaba qozondi.

• So‘nggi 11 yil ichida Chempionlar Ligasi g‘olibi 10 marta Yevropa Superkubogida zafar quchdi. Faqatgina bir marta Yevropa Ligasi g‘olibi ushbu finalda shohsupaga ko‘tarilgan: 2018-yilda “Atletiko” “Real”ni (4:2) mag‘lub etgan.  
• “Manchester Siti” o‘z tarixi mobaynida 33-sovrinini qo‘lga kiritdi. “Shaharliklar” APLda 9 marta g‘alaba qozongan, Angliya Kubogida 7 marta, Liga Kubogida 8 marta, Angliya Superkubogida 6 marta, Kubok egalari Kubogida bir marta, Chempionlar Ligasida bir martadan g‘oliblikni qo‘lga kiritgan. 
• “Sevilya” UEFA Superkubogidagi 7 ta ishtirokdan 6 tasida mag‘lubiyatga uchragan. Faqatgina 2006-yilda “Barselona”ni 3:0 hisobida mag‘lub etgan. 
• Manchester klubi bosh murabbiyi Pep Gvardiola faoliyati davomida 36-sovriniga ega chiqdi. Ispaniyalik mutaxassis “Barselona” bilan 14 ta sovrin yutgan bo‘lsa, “Bavariya” ustozi sifatida 7 ta sovrinni qo‘lga kiritgan. Ingliz klubi bilan esa 7 yil ichida 15 ta sovrin jamg‘ardi. 
• Shuningdek, Gvardiola Yevropa Superkubogidagi g‘alabalar soni bo‘yicha Karlo Anchelottiga yetib oldi. Ikkala murabbiyda ham endi ushbu turnirdagi 4 tadan g‘alaba mavjud. Anchelotti “Milan” (2003, 2007) hamda “Real” (2014, 2022) bilan shohsupaga ko‘tarilgan bo‘lsa, Pep “Barselona” (2009. 2011) va “Bavariya” (2013) bilan birgalikda zafar quchgan. Endi esa “Manchester Siti” ustozi sifatida Supekubokda g‘olib bo‘ldi.