Madridning “Real” klubi o‘z futbolchilariga mavsum davomida qo‘shimcha ta’til bermoqchi.
Bu haqida jamoa bosh murabbiyi Karlo Anchelotti ma’lum qildi.
“Qaymoqranglilar” yangi mavsumni 14-avgust kuni Yevropa Superkubogi o‘yini bilan boshladi va uni 13-iyulda bo‘lib o‘tadigan klublar o‘rtasidagi Jahon Chempionati bilan yakunlashi mumkin.
“Futbolchilar dam olishi zarur. Ularga ta’til juda ham kerak. O‘yinchilarga individual ta’til berish haqida o‘ylayapmiz.
Futbolchi oilasi bilan dam olishi uchun bir hafta bazaga kelmasligi mumkin. Bu, ayniqsa, terma jamoada o‘ynaydiganlarga tegishli, ular juda ham kam dam oladi. Ularda ta’til yo‘q.
Agar Vinisius Braziliya terma jamoasida 2 ta o‘yin o‘tkazib, klubga qaytsa, 4 yoki 5 kun dam olishi mumkin bo‘ladi.
U nafaqat qaydnomadan joy olmaydi, balki klub bilan ham birga bo‘lmaydi. Bu vaqt davomida Vini istagan ishi bilan mashg‘ul bo‘lishi mumkin”, — deydi Anchelotti.
Madridliklar 14-avgust kuni UEFA Superkubogi doirasida “Atalanta”ga qarshi bahs olib borib, 2:0 hisobida g‘alaba qozongan edi. Uchrashuvdagi gollarga Federiko Valverde hamda Kilian Mbappe mualliflik qildi.
Izoh (0)