“Real” bosh murabbiyi Karlo Anchelotti murabbiylik faoliyatini qachon yakunlashi mumkinligi haqidagi savollarga javob berdi.
“Bosimsiz, stresslarsiz hayotni tasavvur qilib bo‘lmaydi. Juda ko‘p stressda yurish ham ziyon, lekin ozginasi sizga yoqilg‘i vazifasini o‘taydi. O‘yin oldidan asabiylashmay qolgan kunim faoliyatimni yakunlayman.
Barcha o‘yinlar oldidan xavotir bo‘ladi, gol o‘tkazib yuborishimiz mumkinligini o‘ylayman, biroq o‘yin boshlangach, barchasi esdan chiqadi.
Ichimdagi bu alanga o‘chmaguncha ishlayman. Menimcha, hali uzoq muddat murabbiylik qilsam kerak”, — deydi Anchelotti.
Italiyalik mutaxassis “Real”dagi 2013/2014 yilgi mavsumdan 2014/2015 yilgi mavsumgacha bo‘lgan ilk faoliyati davomida to‘rtta sovrinni qo‘lga kiritgan. Murabbiyning ikkinchi tayinlanishi 2021/2022 yilgi mavsumda amalga oshirilgan. Uch mavsumda Anchelotti 10 ta sovrin, shu jumladan, ikki bor Chempionlar Ligasi bosh sovrinini qo‘lga kiritdi.
Izoh (0)