Anchelotti “Real Madrid” bilan eng ko‘p sovrin yutgan murabbiylar qatorida yetakchiga aylandi

Futbol bo‘yicha UEFA Superkubogi bahsida “Real Madrid” va “Atalanta” klublari uchrashdi. Uchrashuv 2:0 hisobida yakunlandi.

Gollarga yarim himoyachi Federiko Valverde va jamoaga yangi qo‘shilgan Kilian Mbappe mualliflik qilishdi.

Shu tariqa, “Real Madrid” bosh murabbiyi Karlo Anchelotti qirollik klubi tarixida qo‘lga kiritgan sovrinlar soni bo‘yicha Migel Munyosga tenglashdi. Ikkala murabbiy hisobida ham 14 ta sovrin mavjud.

Ikkinchi o‘rin “Real” bilan 11 ta sovrinni qo‘lga kiritgan Zinedin Zidanga nasib etdi. Kuchli beshlikni Luis Molouni (8 sovrin) va Visente Del Boske (7 kubok) yakunlab turibdi.

Italiyalik mutaxassis 2013/2014 yilgi mavsumdan 2014/2015 yilgi mavsumgacha bo‘lgan ilk faoliyati davomida to‘rtta sovrinni qo‘lga kiritdi. Murabbiyning ikkinchi tayinlanishi 2021/2022 yilgi mavsumda amalga oshirildi. Uch mavsumda Anchelotti 10 ta sovrin, shu jumladan, ikki bor Chempionlar Ligasi bosh sovrinini qo‘lga kiritdi.