“Real Madrid” va Fransiya terma jamoasi hujumchisi Kilian Mbappe dam olgan Shvetsiya poytaxti Stokgolm shahridagi mehmonxona tintuv qilindi. Bu haqda RMC Sport internet nashri Shvetsiya matbuotiga tayanib xabar berdi.
Qayd etilishicha, qidiruvdan tashqari muassasa xodimlari ham so‘roq qilingan. Avalroq Mbappe Stokgolmga safari chog‘ida ziyofatda qatnashgani ma’lum bo‘lgandi. Shuningdek, Kilian zo‘ravonlikda ayblanayotgani xabar qilingandi.
Futbolchi “Real”ga jinsiy zo‘ravonlik bo‘yicha ayblovlar ortida “PSJ” turganini aytib o‘tgandi.
Mbappe o‘tgan yozda “Real”ga o‘tdi. Bu davrda fransiyalik futbolchi barcha turnirlarda 11 ta uchrashuvda ishtirok etib, 7 ta gol va bitta golli uzatmaga mualliflik qilgan. Futbolchining klub bilan amaldagi mehnat shartnomasi 2029-yilning yoziga qadar amal qiladi.
Izoh (0)