Madridning “Real” klubi bosh murabbiyi Karlo Anchelotti yangi mavsumdagi maqsadlari va jamoadagi keyingi o'zgarishlar haqida o‘z fikrlarini bildirib o‘tdi.
“Jamoaning maqsadi — ixcham harakat qilish. Agar Vinisius, Kilian va Rodrigo pressingda ishtirok etsa-yu, yarim himoyachilar oldinga chiqmasa, bu Vinisius va Mbappening muammosi emas. Biz chiziqlarni bir-biriga yaqinlashtirishimiz kerak”, deb Anchelotti so‘zlarini keltirmoqda Madrid Universal o‘zining X (sobiq Twitter) ijtimoiy tarmog'idagi sahifasida.
Ma’lumot uchun, Karlo Anchelotti Yevropaning kuchli beshlik chempionatlarida g‘alaba qozongan va besh marta Chempionlar Ligasi kubogini qo‘lga kiritgan yagona murabbiy hisoblanadi. 2024-yilning yanvarida Anchelotti klub bilan shartnomasini yana ikki yilga: 2026 yil oxirigacha uzaytirdi.
“Real” klubi yangi formatda o‘tkazilayotgan Chempionlar Ligasining birinchi turida “Shtutgart”ga qarshi bahs olib bordi. 18-sentyabr kuni bo‘lib o‘tgan o‘yinda “qirollik klub” 3:1 hisobida g‘alaba qozondi.
Izoh (0)